Kosova dhe Shqipëria, platformë të përbashkët turistike për sezonin veror

Kosova dhe Shqipëria, platformë të përbashkët turistike për sezonin veror

Kosova

Nga 1 korriku, Kosova dhe Shqipëria do të kenë një platformë të përbashkët turistike. Pritet që gjatë këtij sezoni turistik të ketë edhe ulje çmimesh. Ministri i Tregtisë dhe Industrisë i Kosovës dhe ministri i Turizmit dhe Mjedisit i Republikës së Shqipërisë, janë takuar sot në Prishtinë.

Ministri i Tregtisë dhe Industrisë, Vesel Krasniqi, ka pritur në një takim ministrin e Turizmit dhe Mjedisit të Republikës së Shqipërisë, Blendi Klosin, së bashku me kryetarin e bashkisë së Shëngjinit dhe Vlorës.

Krasniqi tha se me ministrin e Turizmit të Shqipërisë diskutuan për fillimin e sezonit turistik në korrik dhe njoftoi për një platformë të përbashkët turistike.

“Sot ndihem jashtëzakonisht i nderuar për vizitën e institucioneve nga Shqipëria. Diskutuam lidhur me turizmin e dyja shteteve mundësitë e bashkëpunimit në të ardhmen. Ramë dakord në fillim të korrikut të bëjmë hapjen e sezonit të verës”.

Ai ka deklaruar se në muajin nëntor do të bëhet hapja e sezonit dimëror në Kosovë. “Në fund të nëntorit, të bëjmë hapjen e sezonit dimëror në Kosovë, u pajtuam në një platformë të përbashkët të të dyja vendeve”, tha Krasniqi.

Lexoni: Fondacioni Vodafone prezanton edhe në Shqipëri DreamLab, aplikacioni në mbështetje të kërkimit shkencor mbi Covid-19

Ministri i Turizmit dhe Mjedisit së Shqipërisë, Blendi Klosi, tha se me këtë platformë të përbashkët duan të dalin me një ofertë jo vetëm për shqiptarët e të dyja vendeve, por edhe për turistët nga vendet e tjera.

“Si një promotor i jashtëzakonshëm i ekonomisë së shqiptarisë, deti shqiptar është i të gjithë shqiptarëve, alpet janë të përbashkëta e si të tilla, do të jenë në një platformë të përbashkët. Diskutuam për një platformë të përbashkët turistike, një ofertë për vendet e tjera, e sidomos për vendet e largëta”.

Ministri Klosi tha se të dyja vendet e dëshmuan se sistemi shëndetësor mund ta luftojë koronavirusin, dhe me këtë garantoi për siguri shëndetësore.

“Me dy bashkitë do të donim të ftonim të gjithë qytetarët të vazhdojnë të jenë turistët më të mirë që Shqipëria ka, në Shqipëri dëshmuam ashtu si në Kosovë se sistemet shëndetësore ia dolën dhe mund të garantojmë një siguri shëndetësore, por që rekomandimet do të zbatohen në rigorozitet”, tha Klosi.

Klosi premtoi që në Shqipëri do të ketë ulje çmimesh gjatë kësaj sezonit turistik. “Nuk ka shans të ketë rritje çmimesh, do të kemi ulje çmimesh”, tha ai.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0