Korabi, destinacioni që nuk duhet humbur

Korabi, destinacioni që nuk duhet humbur


Për fatin tonë të mirë, jetojmë në një vend me resurse të pasura natyrore. Mjafton të zhvendosemi pak dhe jemi para peizazheve të ndryshme. Drejt veriut të Shqipërisë, turistët po e shtojnë vëmendjen e tyre. Një pikë tërheqëse kohët e fundit është bërë edhe maja e lartë e Korabit. Korabi është vend i pasur me bukuri të rralla natyrore, me gurë, shkëmbinj dhe kullota, që “preken” nga alpinistë të shumtë. Ata që arrijnë të ngjiten deri në majë shkojnë në 2764 metër lartësi.

Mes turistësh cilësohet si një nga vendet më të bukura dhe tërheqëse në Shqipëri. Mes promotorëve të Korabit është edhe Samet Zagradi. Ai është banor i zonës së Dibrës dhe promovues i bukurive të paeksploruara të saj dhe për BusinessMag.al ai na rrëfen një ditë të zakonshme nisje nga Peshkopia deri në Korab.
“Nëse do të kalosh një eksperiencë të paharrueshme, Korabi dhe Radomira mbeten rastet unike dhe me shumë gjasa nuk do të harrohen kurrë. Mund të nisesh nga Peshkopia, duke kaluar përmes fshatrave të Njësive Administive Tomin, Kastriot, Sllovë, ku spikat gjelbërimi, pastërtia dhe natyra bujare e këtyre zonave. Vështirësitë e banorëve të këtyre zonave kanë një kontrast me atë ç’ka natyra të ofron, duke bërë të mendosh që ne kemi një pasuri të madhe në duar dhe që duhet ta përdorim”, thotë ai.

Artikulli u publikua më parë në faqen 70 të numrit 22 të revistës Business Magazine Albania. Ju mund të Shfletoni Këtu  nr. 22 të saj.

Pas rreth 40 minuta udhëtim arrin në Radomirë, ku mund të konsumosh produkte tërësisht organike në një restorant të vogël. Shija fantastike dhe çmim shumë i ulët të mbeten kujtim nga restoranti në fshatin “Ujmirë”.
Por, në alpinizëm, nuk përjashohen rastet, kur secili nga udhëtarët të marrë me vete ushqimin e tij të preferuar. Sapo të arrish në fshatin Tezë, rrëzë Korabit gjigant, shfaqen përballë nesh peizazhe mahnitëse. Alternativat janë të shumta dhe ajo më e afërta është mrekullia që quhet “Liqeni i zi” vetëm 30 minuta larg qendrës së fshatit Tezë, ku pishat e larta krijojnë një oaz dhe kombinim fantastik qetësie. Ato janë tërësisht në harmoni me liqenin që ndodhet poshtë tyre. Ky vend, është ideal për piknik me familjen apo shoqërinë.

Ujëvara e Korabit është një tjetër pikë interesante për t’u vizituar. Pamja e saj nuk të lë vend më për imagjinatë, natyra është treguar shumë bujare me të. Mes pamjes piktoreske të Korabit, gjen stane bagëtish e tufa delesh. Bimët si boronica e manaferra të shoqërojnë në këtë udhëtim. Sa më lart që ngjitesh, aq më shumë kupton se je në çatinë e Shqipërisë.
Artikulli u publikua më parë në faqen 70 të numrit 22 të revistës Business Magazine Albania. Ju mund të Shfletoni Këtu  nr. 22 të saj.

Sameti na thotë se Dibra ka mjaft resurse të tjera përveç Korabit dhe se duhet bërë shumë punë për promovimin e tyre. “Kur shikon vende kaq të bukura, habitesh me veten se përse njërëzit kanë zgjedhur Tiranën dhe emigrimin. Thua me vete: ku i patën sytë kur u larguan? Në fakt, sot edhe Dibra po promovohet dhe po tërheq turistë të huaj e vendas”.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0