Ministria e Zhvillimit Ekonomik, Turizmit, Tregtisë dhe Sipërmarrjes (MZHETTS), Agjencia Shqiptare e Zhvillimit të Investimeve (AIDA) dhe Industria Shqiptare të Turizmit, me mbështetjen e Projektit RisiAlbania1 organizon konkursin e tretë kombëtar të quajtur “Risi Turistike” për rajonin e Korçës në mënyrë që të nxisë zhvillimin e produkteve të reja turistike.
Produktet e reja inovative të turizmit do të ndihmojnë për të krijuar itinerare të reja ose gjeneruar vlerë të shtuar të atyre ekzistuese, duke siguruar një përvojë të pasur dhe autentike për turistët në këto rajone. “Risi Turistike” fton të gjitha kompanitë e interesuara që të dorëzojnë një propozim dhe plan biznesi për të zhvilluar dhe zbatuar një produkt të ri turistik në rajonin e Korçës. Afati i fundit për dorëzimin e propozimit është data 10 Nëntor 2016.
Të gjitha propozimet e plotësuara sipas formateve duhet të dërgohen me e-mail në adresën info@aida.gov.al me titull subjekti: Konkursi “Risi Turistike”. Afati i fundit i aplikimit është data 10 Nëntor 2016. Aplikantët e propozimeve të përzgjedhura nga juria do të njoftohen brenda datës 21 Nëntor 2016, dhe do të ftohen për të prezantuar idetë e propozuara në një aktivitet publik në datën 9 Dhjetor 2016.
Aplikantët fitues do të shpallen në aktivitetin publik të përmendur më lart. Ju lutem gjeni bashkëlidhur dokumetat që do ju udhëzojne dhe informojnë më në detaje:
Alb_RisiTuristike_2017_Procedura_final.pdf
projekt financiar per planin e biznesit te produktit turistik ne rajonin Korce.xlsx
Model_Plan_Biznesi_RisiTuristike (1).pdf
Burimi: aida.gov.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
