Robotë e ekspozuar në ambientet e COD kryeministria, janë krijimi i një pune intensive tre mujore i 9 grupeve gjimnazistësh të kryeqytetit.
Robotët u krijuan si pjesë e konkursit të “Robotech”, një aktivitet i Universitetit Metropolitan Tirana, në bashkëpunim me Qendrën për Hapje dhe Dialog.
Ky projekt u mbështet nga Fondacioni Mediatik “Dritan Hoxha”. Ndaj dhe në natën finale të “Robotech” ku nxënësit prezantuan punën e tyre përball jurisë, çmimin e madh e dha Ledion Liço, si përfaqësuesi zyrtar i Fondacionit Mediatik “Dritan Hoxha”.
“Besojini ëndrrës suaj, sepse është e vetmja gjë që do ju çojë para, edhe nëse përballë do keni ca njerëz që do thonë ç’është ky i çmendur. Janë ëndrrat që e ndryshojnë një vend, asgjë tjetër. Duke falenderuar Fondacionin ‘Dritan Hoxha’, që përfaqësoj sot për të gjithë ndihmën dhe mbështetjen e vazhdueshme që u jep këtyre projekteve, dua që çmimin e para t’ia japim ‘Ismail Qemalit’”.
Të gjitha grupet pjesëmarrëse u vlerësuan me çmime nga juria për angazhimin dhe punën e bërë gjatë tre muajve. Aftësitë e të rinjve shqiptar u vlerësuan edhe nga presidenti i UMT, Arjan Cukaj.
Ministri i Ekonomisë, Kulturës dhe Inovacionit, Blendi Gonxhe vlerësoi Inovacionin si një domosdoshmëri në Shqipëri.
“Me kaq shumë aftësi dhe etje, është detyrim për shoqërinë tonë, është një mision”.
Nisur nga projektet e shumta të zhvilluara në vitet e fundit në fusha të ndryshme si arti, kultura, turizmi, e start up-et, Fondacioni mediatik “Dritan Hoxha”, pjesë të nismës së tij ka dhe Inovacionin, duke mbështetur të gjithë të rinjtë e talentuar me dëshirë dhe ëndrra për të ecur përpara.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
