Konkursi i Biznesit IDEA, 40 finalisët në mentorim

Konkursi i Biznesit IDEA, 40 finalisët në mentorim


Bizneset dhe sipërmarrja janë çelësi i konkurrueshmërisë në ekonominë globale sot. Ata janë gjeneratorët më të fuqishëm të punësimit dhe të ardhurave. Megjithatë, fillimi ose zgjerimi një ndërmarrje kërkon kompetenca sipërmarrëse dhe aftësi biznesi. Sipërmarrësit e ndërmarrjeve mikro, të vogla dhe të mesme shpesh sfidohen nga kërkesat e ekspertizës dhe financimit që i pengojnë ata të fillojnë ose të rrisin një biznes të suksesshëm.

Më shumë se 400 persona morën pjesë këtë vit në trajnimet e Sfida IDEA dhe 150 pjesëmarrës u përzgjodhën për të ndjekur trajnimet për planin e biznesit. Pas 10 ditë trajnim në Tiranë, Elbasan, Shkodër, Vlorë dhe Durrës, Korçë dhe Fier dhe rreth 2 muaj këshillim, rreth 130 pjesëmarrës të rinj kanë punuar për zhvillimin e planeve të tyre të biznesit gjatë periudhës Qershor-Gusht 2018. Në këtë fazë 40 të përzgjedhur do të kenë mundësi të përfitojnë mentorim nga mentorë vendas e të huaj gjatë periudhës Shtator-Tetor 2018.

Të gjithë pjesëmarrësit festuan në Muzeun Historik Kombëtar me certifikata në duar për 96 plane biznesi të përgatitura. Ata u informuan gjithashtu lidhur me skemën e granteve IDEA që menaxhon Ministria  e Financave dhe Ekonomisë me GIZ, dhe mundësi të tjera financimi për startup në Shqipëri.

I ftuar në event z. Arjan Ymeri, drejtor i OFIÇINA, një OJF që mundëson inkubim/akselerim për startupet e reja dhe ndihmon zhvillimin e ideve në kompani të mirëfillta, ofroi mbështetje për të gjitha idetë e biznesit të prezantuara në këtë program.

Të rinjtë sipërmarrës kanë qenë fokusi i trajnimit, nën moton frymëzuese Ti Mund Ta Ndryshosh Vet Të Ardhmen Tënde, e duket se pas këtij trajnimi e ardhmja e tyre premton shumë.

Rrugëtimi i IDEA do të vazhdojë, duke ofruar mentorim për projektet fituese nga profesionistë të fushave të ndryshme në vendin tonë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0