Platforma kineze e transmetimit të videove iQiyi njoftoi të hënën hapjen e përvojës së saj gjithëpërfshirëse të realitetit virtual në Shangai.
Projekti kombinon teatër gjithëpërfshirës, realitet virtual dhe pajisje fizike për t’u dhënë pjesëmarrësve përshtypjen se ata janë duke ecur – ose duke hipur në varka dhe automjete të tjera – nëpër një botë fantazie të kompletuar me ujëvara, erëra të forta dhe shpërthime. Pjesëmarrësit gjithashtu mund të gjuajnë shigjeta virtuale drejt “armiqve”.
Ndërsa i ngjan një udhëtimi në “Disneyland”, përvoja e realitetit virtual zë vetëm 300 metra katrorë hapësirë, sipas kompanisë.
iQiyi i mbështetur nga Baidu shpesh quhet edhe Netflix i Kinës pasi platforma kineze e videove në internet shet gjithashtu seri televizive dhe filma për abonentët.
IQiyi e quan produktin e saj të ri “një udhëtim emocionues 50-minutësh me energji VR”. Përvoja bazohet në dramën televizive të vitit 2021 të iQiyi “Luoyang”, e vendosur në kryeqytetin e lashtë kinez me të njëjtin emër.
Biletat kushtojnë 198 juanë (29 dollarë) deri në 398 juanë secila./ CNBC
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
