Organizatorët e këtij eventi me qendër në Barcelonë, Global System for Mobile Communications, lajmëruan se Kongresi Botëror i Celularëve nuk do të mbahet. Anulimi erdhi si pasojë e frikës së vazhdueshme për përhapjen e një zinxhiri të ri të virusit corona, i cili u përhap fillimisht në Kinë.
Lexo këtu: OBSH: Nuk ka ndryshime në ashpërsinë e koronavirusit
“Në lidhje me mjedisin e sigurt dhe të shëndetshëm në Barcelonë dhe në shtetin mikpritës, GSMA anuloi KBC Barcelona 2020, sepse shqetësimi botëror lidhur me virusin Corona, udhëtimi i pasigurt dhe rrethana të tjera, e bëjnë të pamundur zhvillimin e kongresit nga ana e GSMA”, thanë organizatorët në një deklaratë.
Shumë firma janë tërhequr nga pjesëmarrja në event, para se GSMA të deklaronte vendimin, duke ushtruar presion mbi organizatorët që ta anulonin atë. LG, Sony, Ericsson, Nokia, Nvidia, Intel dhe Amazon, janë disa nga emrat më të mëdhenj që kanë anuluar pjesëmarrjen e tyre gjatë ditëve të fundit.
Firma të ndryshme teknologjike kanë monitoruar krizën shëndetësore, duke vendosur të mos marrin pjesë në MWC sepse ata mendojnë që do ishte e rrezikshme për ta dhe stafin e tyre. Ndërkohë që disa kompani e kanë mbështetur këtë fakt tërësisht, disa të tjera e kanë mbështetur pjesërisht atë. P.sh, Huawei tha se do të dërgonte stafin e tij europian në Barcelonë, për të “zëvendësuar” mungesën e punonjësve kinezë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
