Konfindustria, vëren me shqetësim, se çmimet e karburanteve në tregun vendor, qartësisht të tipit kartel, janë të pandryshueshme ndërkohë, që në të gjitha tregjet botërore dhe në vendet fqinje ka një kah të fortë rënës. Konfindustria vlerëson, se nëse nuk ndërhyet me shpejtësi, pasojat do të jenë edhe më shkatërruese për biznesin, qytetarët dhe ekonominë kombëtare.
Në bursat ndërkombëtare çmimet e karburanteve kanë rënë në pothuaj 21% të çmimit më të lartë të vitit. Vetëm krahësimisht 24 nëntorit 2021, çmimet e karburanteve kanë rënë mesatarisht me 12%.
Lexoni: Konfindustria, ulja e taksës së karburanteve për mjetet lundruese e papranueshme
Ndërkohë, në Maqedoninë e Veriut, agjencia rregullatore e karburanteve javën e fundit vendosi për uljen e ndjeshme të çmimit të karburanteve. Çmimet në Maqedoninë e Veriut edhe para uljes së fundit ishin mbi 30% më të ulta se në Shqipëri.
Konfindustria ripërsërit kërkesën për vendimmarrjen politike për krijimin e Entit Rregullator të Karburanteve/ERRK, sipas shembullit të Maqedonisë së Veriut.
Tregu i karburanteve në Shqipëri, ka 1.5 miliardë dollarë qarkullim vjetor dhe kap 10% të PPB.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English