së Shqipërisë, e cila do të zhvillohet në datat 14-15 Qershor 2017, në selinë e saj qendrore, në Tiranë.
Konferenca do të jetë një veprimtari dy ditore që do t’i kushtohet temës: “Paraja dhe bankingu në
Shqipëri, nga antikiteti deri në ditët tona” (dita e parë e saj).
Ndërsa dita e dytë e kësaj konference do t’i dedikohet rolit edukues të muzeve të bankave qendrore në njohjen e historisë së parasë, bankingut dhe rritjes së kulturës financiare përmes ekspozitave, edukimit dhe inovacionit.
Qëllimi i ditës së parë të konferencës është të mbledhë së bashku historianë, numizmatë, arkeologë,
e studiues të historisë monetare e ekonomike, për të prezantuar e diskutuar gjetjet e studimeve të
tyre në fushën e prodhimit dhe qarkullimit monetar, historisë ekonomike dhe zhvillimit të bankingut
në vendin tonë, nga antikiteti e deri në ditët tona.
Aktiviteti do të organizohet në tre sesione të fokusuara përkatësisht në lashtësi, mesjetën deri në shpalljen e pavarësisë dhe në periudhën moderne nga shpallja e pavarësisë deri në ditët tona.
Temat e propozuara:
- Shkëmbimi paramonetar dhe dëshmi të formave paramonetare të këmbimit në lashtësi
- Prodhimi dhe qarkullimi monetar në Ilirinë e Jugut, shek. V-I p.e.s
- Thesaret që fsheh nëntoka shqiptare, burim i rëndësishëm informacioni për numizmatikën
ilire - Ekonomia, shkëmbimi dhe qarkullimi monetar në shek. IV-XIV, në territoret shqiptare
- Qarkullimi monetar dhe marrëdhëniet tregtare të viseve shqiptare nën Perandorinë Osmane
- Adriatiku: vijë ndarëse dhe urë lidhëse e shkëmbimeve tregtare në prag të Luftës së Parë
Botërore - Përpjekjet e para për krijimin e një banke kombëtare shqiptare dhe emetimi i monedhës së
parë shqiptare - Politika monetare dhe mekanizmi ekonomik gjatë sistemit komunist
- Zhvillimi i bankingut qendror modern, një shtysë për rritjen ekonomike të vendit
Data: 14-15 Qershor 2017
Vendi: Banka e Shqipërisë, Tiranë
Gjuhët e konferencës: shqip dhe anglisht
Burimi: bankofalbania.org
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
