Gjigantët e botës së videolojërave panë rënie të shitjeve të tyre në tremujorin e dytë, pasi pandemia Covid-19 vjen drejt zbehjes.
Në tre muajt e fundit, Microsoft, Sony dhe Nintendo secili postuan fitime zhgënjyese në bizneset e tyre të video-lojërave.
Shifrat pasqyrojnë një tkurrje të madhe në shpenzimet e konsumatorëve për videolojërat. Amerikanët shpenzuan 12.4 miliardë dollarë për lojëra në tremujorin e dytë, sipas firmës së kërkimit të tregut NPD, me një rënie prej 13% nga viti në vit.
Arsyet janë të shumta, ku ndër më kryesoret është lehtësimi i kufizimeve pandemike, me njerëzit që shmangin opsionet e argëtimit në shtëpi në favor të aktiviteteve në natyrë.
“Rritja e tregut të përgjithshëm të lojërave është ngadalësuar kohët e fundit, pasi janë shtuar mundësitë që përdoruesit të dalin nga [shtëpia] pasi infeksionet Covid-19 janë ulur në tregjet kryesore”, tha Hiroki Totoki, shefi financiar i Sony..
Sony raportoi një rënie prej 2% në shitje nga viti në vit në njësinë e saj të lojërave në tremujorin dytë, ndërsa fitimet operative ranë pothuajse 37%. Kompania lëshoi gjithashtu një perspektivë të zymtë, duke ulur parashikimin e saj të fitimit për vitin e plotë me 16%.
Arsyeja kryesore? Njerëzit shpenzojnë më pak kohë për lojëra online dhe më shumë kohë për të dalë.
Koha totale e lojës midis bazës së lojtarëve të PlayStation ra 15%, shumë më e ulët se sa ishte parashikuar fillimisht nga kompania.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
