Kompania shqiptare “Mabetex Group” përfundon punimet e aeroportit ndërkombëtar të Kazakistanit - Business Magazine Albania

Kompania shqiptare “Mabetex Group” përfundon punimet e aeroportit ndërkombëtar të Kazakistanit


Janë disa ngjarje e fenomene për të cilat shqiptarët duhet të jenë krenarë dhe kjo është një prej atyre ngjarjeve: “Mabetex Group” ka përfunduar të Hënën punimet në Aeroportin Ndërkombëtar në Astana të Kazakistanit me kapacitet mbi 5 milionë pasagjerësh në vit.

“Mabetex Grup” në një kohë rekord ka arritur t’i përfundojë të gjitha punët e kontraktuara për rinovimin e aeroportit të Astanas.

Në hapjen e këtij aeroporti ishte edhe presidenti i “Mabetex Group”, Afrim Pacolli, i cili ka falënderuar presidentin Behgjet Pacolli për ndihmën dhe përkrahjen që i ka dhënë gjatë gjithë kohës.

Në veçanti, Afrim Pacolli ka falënderuar presidentin e Kazakistanit Nursultan Nazarbayev, Qeverinë dhe gjithë popullin e këtij vendi për besimin që ia kanë dhënë kësaj kompanie gjatë këtyre 21 viteve.

burimi: lajmifundit

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.

Na Suporto
Business Mag Nr. #41 – Mars 2026

Shqipëria… e brezit që po vjen!

Arsimimi dhe edukimi janë kura që ndal çdo të keqe. Një komb i arsimuar, një komb që investon në rininë e tij, në gjeneratat që i lënë vendin njëra-tjetrës, është padyshim një komb që do të ketë prosperitet dhe stabilitet afatgjatë. Shqipëria ka ende shumë mangësi në këtë aspekt; strukturat arsimore dhe programet edukative të vjetëruara shpesh nuk i përgjigjen kërkesave të kohës dhe tregut të punës. Por diçka ka nisur të lëvizë. Reforma të reja, iniciativa private, bashkëpunime ndërkombëtare dhe, mbi të gjitha, një valë e re entuziazmi tek të rinjtë po krijojnë shenja të qarta optimizmi.

Ky edicion i revistës vë në qendër të vëmendjes pikërisht këtë frymë të re. Në kopertinë kryesore sjellim historitë frymëzuese të pesë adoleshentëve të talentuar, të motivuar, me ambicie të mëdha dhe shpirt luftarak. Ata nuk janë thjesht nxënës të shkëlqyer, por ambasadorët e vërtetë të Shqipërisë të së nesërmes, dëshmi e gjallë se potenciali ynë kombëtar është vital.

Në faqet e brendshme, Bledar Shella, kreu i  bordit të Shoqatës së Bankave të Shqipërisë, na flet hapur për të ardhmen e sektorit financiar, sfidat e digjitalizimit dhe rolin e bankave në mbështetjen e ekonomisë reale. …

See more
Follow us
0