Kompania RE-Gi tekstil në Shkozet, një tjetër rast suksesi në Shqipëri


Ministrja e Zhvillimit Ekonomik, Turizmit, Tregtisë dhe Sipërmarrjes, Znj. Milva Ekonomi zhvilloi një vizitë në kompaninë RE-GI tekstil, e cila operon në fushën e prodhimit të konfesioneve të destinuara të gjitha për eksport në tregun italian. Kompania ndodhet në zonën e Shkozetit dhe operon prej rreth 7 vitesh, edhe pse eksperienca e pronarëve të saj është shumë më e gjatë në këtë sektor.

Vizita e Ministres Ekonomi në këtë sipërmarrje bëhet në vijim të vizitave të saj për të mbështetur biznesin, për të promovuar rastet model dhe për t’i inkurajuar këto sipërmarrje të ecin përpara.

Kompania në fjalë, me administrator Xhuljeta dhe Arkezi Copa, në vitin 2012 është financuar për një pjesë të investimeve të saj, nga Linja e Kredisë e Programit Italo-Shqiptar për zhvillimin e SME-ve në Shqipëri, me një vlerë 140,000 Euro, nëpërmjet bankës Credins.

Ministrja Ekonomi vizitoi mjediset e kësaj kompanie për të parë nga afër investimin por dhe ecurinë e kësaj kompanie. Znj. Copa tha se falë këtij investimi kompania ka rritur punën dhe fitimet e veta, pasi një makineri e blerë me këtë mbështetje financiare shkurton proceset e punës dhe kryen punën e gjashtë punëtorëve.

Kryesisht kjo kompani prodhon uniforma kuzhine, por dhe veshmbathje, bluza etj. Aktualisht punojnë rreth 200 punëtore, por së shpejti do të hapet dhe një mjedis i ri ku do të punësohen 120 punonjës të tjerë, nga Durrësi, Shijaku dhe zonat perreth.

Ministrja vlerësoi ambientet shumë komode të punës dhe investimin e bërë nga kjo kompani, jo vetëm në makineri e teknologji, por dhe në mjediset përreth, ku punonjësit ndihen më mirë, me ambiente të jashtme të rregulluara dhe të gjelbëruara.

Ministrja Ekonomi inkurajoi pronarët e kësaj kompanie për kontributin e tyre për produkte që në eksport shkojnë me markën “Made in Albania”.

Gjithashtu, Ministrja dëgjoi dhe problematikën me të cilat përballet ky biznes, ku ajo që u kërkua është lehtësimi i procedurave në dogana dhe njehsimi i këtyre procedurave në të gjitha doganat.

Ministrja premtoi se këto situata janë adresuar, pasi pikërisht mbledhja e radhës e Këshillit të Investimeve ishte për këtë çështje, pra për lehtësimin edhe më tej të procedurave në dogana, si një kërkesë e ardhur nga biznesi.

Burimi: sot.com.al

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale