Kompani lombarde po e gjejnë interesant tregun ballkanik për investimet e tyre veçanërisht Shqipërinë - Business Magazine Albania

Kompani lombarde po e gjejnë interesant tregun ballkanik për investimet e tyre veçanërisht Shqipërinë


Janë 60 kompani italiane që po marrin pjesë në projektin për depërtimin komercial në tregun ballkanik, të cilat po kërkojnë për partnerë në vendet e Ballkanit, me prioritet Shqipërinë. Iniciativa prezantohet së pari në takimin e Riminit, në Panairin e Riminit, ku do të marrin pjesë edhe Presidenti i Republikës në Itali, Sergio Mattarella, si dhe ministri i Ekonomisë dhe emra të njohur të industrisë në Itali. Kompanitë do të marrin pjesë në tri ekspozita të ndryshme në sektorët e ushqimit, të modës dhe teknologjisë, pikërisht për të pasur mundësinë që të fillojnë shpërndarjen e produkteve të tyre në një treg që përfshin katër vende me 15 milionë njerëz, në partneritet me autoritetet lokale, si Union Banka, Expo City Tiranë, Ente Fiera sh.a. dhe Grupi Panorama.

Mediat italiane shkruajnë se në këtë projekt nuk do të ketë largim të kapitalit njerëzor dhe as të kapitalit të financave, por eksport të teknologjisë dhe cilësisë së shërbimit, për të cilat kompanitë e vogla dhe të mesme në Lombardi janë të njohura dhe lidere në mbarë botën.Ka partnerë të shumtë prestigjiozë, të cilët janë bashkuar për të ndihmuar CDO dhe bizneset e saj në këtë mision të parë të madh në Ballkan. Fabio Verzeri, nënkryetar dhe anëtar i CDO dhe Massimiliano Nicolini, anëtar i CDO International, do të shoqërojnë grupin e parë të 60 kompanive, gjatë fillimit të aktiviteteve të tyre në territorin ballkanik, mbështetur nga institucione dhe organizata të lidhura ose të pranishme në tregun ballkanik.

Përfaqësimi i sipërmarrësve nga pala italiane i është besuar përveç Verzerit, edhe Umberto Daniele, i kompanisë kompjuterike “Gross Italia”, e listuar në bursën e Milanos me një qarkullim vjetor prej 1.5 miliardë eurosh. Kompanitë takohen drejtpërdrejt në këtë organizim nëpërmjet formulës së përputhjes, nëse kompanitë lokale do të jenë të gatshme për të ndërmarrë një bashkëpunim të parë komercial, dhe pastaj në një datë të mëvonshme, sipas zhvillimeve, mund të ketë edhe një partneritet të vërtetë industrial. Parashikimet e Kompanisë së Veprave si rezultat i eksportit për vitin e ardhshëm në lidhje me këtë mision, flasin për një qarkullim minimal prej 20 milionë eurosh.

Burimi: aida.gov.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0