Komiteti i Lehtësimit të Tregtisë vjen në ndihmë të bizneseve eksportuese


Në Ministrinë e Zhvillimit Ekonomik, Turizmit, Tregtisë e Sipërmarrjes u zhvillua mbledhja e dytë e Komitetit të Lehtësimit të Tregtisë. Ky komitet drejtohet nga Ministrja e Ekonomisë, znj Milva Ekonomi dhe në përbërje të tij janë përfaqësues të Ministrisë së Bujqësisë, Ministrisë së Integrimit, përfaqësues të Autoritetit Kombëtar të Ushqimit, Përfaqësues të Drejtorisë së Përgjithshme të Doganave, Përfaqësues të Dhomës së Tregtisë dhe Industrisë Tiranë, të Bashkimit të Dhomave të Tregtisë, përfaqësues të USAID. Qëllimi i krijimit të këtij Komiteti është të zgjidhë problematikat që bizneset hasin në çështjet e eksportit të produkteve të tyre jashtë Shqipërisë.

Tematika e takimit të radhës ishte miratimi i rregullores së Komitetit të Lehtësimit të Tregtisë dhe prezantimi i planit operacional. Gjithashtu, u diskutua për Sekretarinë Teknike tashmë të krijuar brenda MZHETTS, synimi i së cilës është të presë shqetësimet e biznesit për lehtësimin e tregtisë. Kjo strukturë do të shërbejë si hap i parë për krijimin e një “help desk” (me vlerë 6 mln lekë), tek i cili bizneset do të drejtohen dhe marrin informacione mbi procedurat dhe kërkesat teknike, që duhet të kenë produktet sipas tregjeve ku eksportohet. Për funksionimin e kësaj sekretarie, Ministrja Ekonomi kërkoi që përfaqësuesit e institucioneve të pranishëm, të kontribuojnë me ekspertë dhe staf, në mënyrë që t’u jepet sa më shpejt e saktë përgjigje shqetësimeve të bizneseve që eksportojnë.

Të pranishmit diskutuan në vijim mbi disa raste vështirësish tregtimi të hasura së fundi nga eksportuesit shqiptarë lidhur me nënproduktet e qumështit, eksportin e limonëve, domateve etj. Këto problematika vijnë edhe si rezultat i mungesës së dokumentacionit përkatës të eksportuesve shqiptarë, të cilët duhet të kenë certifikatën e analizave të produktit, një etiketim dhe ambalazhim më cilësor etj.

Ministrja shtoi se AIDA mund të përdoret nga bizneset prodhuese, për t’u rritur produkteve cilësinë e paketimit dhe etiketimit, ndërsa kërkoi nga Ministria e Bujqësisë dhe AKU që t’ua bëjnë të qartë fermerëve kushtet që duhet të plotësojë një produkt para se të eksportohet. Përfaqësuesi i USAID dhe Unionit të Dhomave të Tregtisë dhe Industrisë u angazhuan për të mbështetur menjëherë Sekretarinë Teknike, për lançimin sa më shpejt të ‘Help Desk’.

 

burimi: kohajone.com

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale