Akademia Kodo hap klasat e para për programuesit e rinj në tre teknologjitë ReactJS, Node.js dhe Python. Të përzgjedhurit e pilotimit të parë të akademisë do të kenë mundësi që gjatë tre muajve të zhvillojnë njohuritë e tyre në teknologjitë të cilat janë evidentuar si më të kërkuarat në treg.
Falë mbështetjes së EuforInnovation dhe Challenge Fund këto module u bënë të mundura të ofrohen falas për pjesëmarrësit e parë të akademisë. Në vijimësi Akademia do të diversifikojë modulet e saj për tju përshtatur më së miri kërkesës së tregut si dhe mundësive të programuesve të niveleve të ndryshme të aftësimit.
Sipas koordinatores Emerina Hidri, vlera e shtuar e KODO qëndron në metodologjinë e kurrikulës së ideuar e cila bën të mundur thellimin e njohurive në teknologjitë përkatëse duke u gërshetuar me projekte konkrete të ndërthurura midis ekipeve.
Lexo: Facebook fshin llogaritë e dëmshme të lëvizjes gjermane “Querdenker”
“KODO do të mundohet që të minimizojë hendekun mes programuesve të rinj dhe kërkesave të industrisë, duke ju dhënë mundësinë programuesve të rinj për trajnime të vazhdueshme në përputhje me kërkesat e tregut”, thonë bashkëthemeluesit e KODO Engjëll Rraklli dhe Lorena Gjana.
Grupi i parë i të përzgjedhurve përfshin kryesisht të diplomuarit në shkencat kompjuterike të cilët do të duan të thellohen njohuritë tyre në përfundim të tre moduleve ku tre prej tyre do të kryejnë edhe një praktikë pune pranë division5.
KODO është konceptuar si një hapësirë ku komuniteti i programuesve mund të rritet, forcohet dhe të bashkëpunojë për të zhvilluar dhe fuqizuar më shumë ekosistemin e inovacionit në Shqipëri.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
