Kjo është shuma e transaksioneve Kosovë-Panama - Business Magazine Albania

Kjo është shuma e transaksioneve Kosovë-Panama


Nga njëra prej firmave më të mëdha ligjore në Panama, “Mossack Fonseca”, kanë rrjedhur dokumente që zbulojnë se si pushtetarë në gjithë botën përdorin kompani të huaja, për të fshehur miliarda dollarë pasuri jashtë vendeve të tyre.

Të dhënat dhe 11 milionë dokumentet e publikuara nga një grup i madh mediash dhe gazetarësh në botë kanë zbuluar aferën më të madhe e cila tanimë po emërtohet si “Panama Papers”.

Në këtë aferë janë zbuluar miliona euro të fshehura nga liderë dhe ish-liderë e udhëheqës të vendeve të ndryshme në botë, shkruan Telegrafi.

Në Shqipëri thuhet se janë të paktën 22 veta që kanë para dhe kompani “offshore” në parajsën fiskale të Panamasë, por deri më tani janë publikuar vetëm dy emra.

E në Kosovë ende nuk ka dalë as një emër por nuk përjashtohet mundësia që të ketë aksione kompanish, para të cilat janë pastruar në vendet me parajsa fiskale.

Telegrafi ka siguruar të dhëna të cilat tregojnë se ndërmjet Republikës së Kosovës dhe shtetit të Panamasë ka pasur transaksione bankare.

Këto transaksione bankare nga Kosova për në Panama dhe anasjelltas nuk kalojnë shuma të mëdha.
Zyrtarët e Bankës Qendrore të Kosovës kanë treguar për Telegrafin se transaksionet janë kryesisht transfertё për pagesa të shkëmbimeve tregtare dhe shpenzimeve qeveritare.

“Sa i përket vlerës së transaksioneve bankare me shtetin e Panamas, kemi të bëjmë me vlera të vogla. Konkretisht në vitin 2014 vlera e të gjitha transaksioneve hyrëse dhe dalëse është 254,325 euro, ndërsa në vitin 2015 është 240,623 euro. Prej tyre pjesa më e madhe janë pagesa për import të mallit, për pagat e shërbyesve civil dhe shërbime tjera qeveritare”, ka thënë Besnik Kada për Telegrafin, zëdhënës në Bankën Qendrore të Kosovës.

 

/Telegrafi

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0