Keiretsu Forum SEE ka hapur thirrjen për aplikime prej startup-eve në Shqipëri dhe rajon që janë në fazat fillestare të zhvillimit të tyre për të marrë pjesë në takimin e rradhës të Forumit të Investitorëve.
‘Keiretsu Forum SEE Investors Pitch Day’ është planifikuar të mbahet më 29 mars 2024, nga ora 17:00 deri në 19:30 në Podgoricë, Mal të Zi, ku 5-6 startupe do të prezantojnë idetë e tyre përballë anëtarëve të KFSEE si dhe sipërmarrësve – anëtarë potencialë që do të jenë të ftuar.
Keiretsu Forum SEE, rrjeti më i madh privat në botë i investimeve të engjëjve me seli në Shtetet e Bashkuara, fton të gjithë startup-et/sipërmarrësit e përkushtuar dhe ambicioz në fazat e hershme në Ballkanin Perëndimor në kërkim të kapitalit ndërmjet 50 mijë dollarë dhe 250 mijë dollarë, për të plotësuar aplikimin online nëpërmjet dhe kontaktoni znj. Denajda Leka, Koordinatore e Startup-eve të Forumit Keiretsu SEE, në [email protected], deri më 21 mars 2024.
Procesi i aplikimit është shumë selektiv. Pasi aplikimi juaj të pranohet, ju do të keni mundësinë t’ua parashtroni startup-in tuaj anëtarëve dhe të merrni komente dhe mbështetje për t’ju ndihmuar të rriteni dhe shkallëzoni startup-in tuaj. Formulari i aplikimit online ofron informacion në lidhje me specifikat e procesit të përzgjedhjes.
Procesi i përzgjedhjes së Forumit Keiretsu SEE
- Të gjitha aplikimet e marra janë para-vlerësuar me kujdes nga një komitet i përzgjedhur i anëtarëve/ekspertëve të fushës së Keiretsu Forum SEE.
- Kompanitë e përzgjedhura fillestare i nënshtrohen një procesi Deal Screening ku çdo sipërmarrës përgatit një prezantim prej 15 minutash (5 minuta prezantime thelbësore + 10 minuta Pyetje dhe Përgjigje)
- Pas çdo prezantimi, anëtarët diskutojnë për kompanitë dhe votojnë në mënyrë anonime.
- Startupet që renditen më lart janë të ftuara të paraqesin projektin e tyre në Ditën kryesore të KFSEE Investors Pitch më 29 mars 2024.
- Kompanitë që marrin interes nga investitorët nga ky event , hyjnë në një fazë të kujdesit të duhur me investitorët e interesuar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
