Në një njoftim në profilin zyrtar kryeministri Edi Rama ka konfirmuar se këtë vit shkollor librat do të jenë falas për të gjithë nxënësit nga klasa 1-9.
“Këtë vit shkollor përmbushet angazhimi që në arsimin bazë të gjithë nxënësit nga klasa 1-9 të kenë librat shkollorë falas,” shkruhet në njoftim.
Ndërkohë, përfitues të kësaj skeme mbështetëse nga qeveria shqiptare janë edhe të gjithë nxënësit e kategorive të veçanta në arsimin e mesëm të lartë.
Përfitues në total do të jenë rreth 280 mijë nxënës. 16 mijë nxënës në arsimin e mesëm të lartë, përfitojnë gjithashtu si pjesë e kategorive të veçanta.
Ky vendim vjen si një lehtësim i barrës financiare për familjet shqiptare.
Procesi mësimor këtë vit nis me 1 Shtator. Ministrja e Arsimit Evis Kushi ka bërë të ditur se, dy javët e para do të shërbejnë për konsultime dhe për përsëritje, përforcim dhe përmirësim të njohurive nga viti i kaluar dhe më pas mësimi do të vijojë normalisht.
Sipas saj, temat që do trajtohen janë përzgjedhur në varësi të nevojave për çdo shkollë, por thekson ajo, nxënësit janë të lirë t’i ndjekin sipas nevojave. Mësuesit, për këto orë shtesë, do të paguhen.
Lexoni: Shkollat gati për të rinisur me 1 Shtator
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
