Këshilli Kombëtar i Punës vendos sot ndryshimin e pagës minimale - Business Magazine Albania

Këshilli Kombëtar i Punës vendos sot ndryshimin e pagës minimale


Këshilli Kombëtar i Punës pritet të mblidhet sot për të diskutuar në lidhje me ndryshimin e pagës minimale e cila aktualisht është në nivelin 22,000 lekë.

Propozimi i qeverisë është që paga minimale për efekt të kontributeve shoqërore të rritet në nivelin 23,000 – 24,000 lekë. Pak ditë më parë ishte ministri i Mirëqenies Sociale dhe Rinisë që deklaroi se rritja do të prekte edhe sektorin privat, ndërkohë që në administratën shtetërore ajo është parashikuar të rritet në nivelin 37,000 lekë.

Mbledhja e ditës së sotme pritet të shoqërohet me diskutime, pasi sikundër mësohet nga Konfederata e Sindikatave të Shqipërisë, ajo do të propozohet të rritet me 30% për të arritur në nivelin 28,600 lekë. Drejtuesit e sindikatave thonë se nëse qeveria do të jetë e gatshme të hyjë në negociata atëherë mund të zbritet deri në nivelin e 26,000 lekëve, por jo më poshtë. Ata thonë se paga minimale është shumë e ulët në Shqipëri dhe ka pothuajse katër vjet që nuk ndryshon.

Pritet që pasi të dëgjohen të gjitha palët, Këshilli Kombëtar i Punës do të dalë me një vendim për nivelin e ri të pagës minimale e cila më pas do të shkojë për miratim në qeveri.

Në fakt që në fillim të vitit të kaluar ka qenë Dhoma Kombëtare e Prodhuesve të Veshjeve dhe Këpucëve (DHKPV), e cila përmes një letre drejtuar kreut të qeverisë, i ka kërkuar rritjen e pagës minimale në nivel kombëtar, nga 22.000 lekë në 23.000 lekë.

Bordi Drejtues i Dhomës Kombëtare të Prodhuesve të Veshjeve dhe Këpucëve argumentonte se kërkesa është bërë nisur nga situata, në të cilën është duke u zhvilluar veprimtaria e biznesit në sektorin e regjimit aktiv dhe të eksporteve; Koniunktura e tregut ndërkombëtar në fushën e prodhimit të veshjeve dhe këpucëve; Niveli i kursit të këmbimit; Dëshira për të ndikuar në rritjen e konsumit dhe përmirësuar sado pak cilësinë e jetesës së të punësuarve tanë etj.

Nga ky vendim pritet të preken më shumë sektori eksportues dhe i prodhimit, të cilën pagat e ulëta i kanë si avantazh konkurrues. Sipas tyre, kjo do të shoqërohet edhe me rritjen e kostove. Për sipërmarrësit e sektorit të prodhimit, me rritjen e kësaj page, rrezikohet që të rriten edhe çmimet, duke qenë se shpenzimi, sipas tyre, diku do të ‘shkarkohet’.

Për sektorin e fasonit, rritja e kësaj page gjithashtu shihet si një veprim ‘shkatërrues’, siç e thonë dhe vetë ata, pasi rreth 60-70% të kostove të tyre e përbëjnë ato të punës.

Burimi: gazetaexpress.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0