Rregullat e biznesit po ndryshojnë me shpejtësi. Ajo që funksiononte dje, nuk është e sigurt që do të funksionojë nesër. Tregjet po evoluojnë, teknologjia po avancon me ritme marramendëse dhe ata që do të kenë sukses do të jenë sipërmarrësit që përqafojnë ndryshimin, jo ata që e kundërshtojnë atë. Si mund të qëndroni një hap përpara në vitin 2025?
Për t’iu përgjigjur kësaj pyetjeje, mblodhëm këshillat e disa prej liderëve më të njohur të biznesit, vizionarëve dhe inovatorëve. Mesazhi i tyre është i qartë: mos ndiqni verbërisht trendet, por mendoni më zgjuar, përshtatuni më shpejt dhe bëni lëvizje të guximshme.
Chris Groves – CEO, Groves Capital
Sipas Groves, përshtatja dhe inovacioni janë çelësi i suksesit. Teknologjitë si kriptovalutat, blockchain dhe inteligjenca artificiale nuk janë më opsionale, por mjete thelbësore për optimizimin e operacioneve dhe përmirësimin e eksperiencës së klientit.
Ai nënvizon gjithashtu rëndësinë e projekteve të qëndrueshme, diversifikimit dhe eliminimit të joefikasitetit. Por mbi të gjitha, ai thotë se suksesi ndërtohet mbi qëndrueshmërinë, konsistencën dhe ndërtimin e ekipeve të forta.
Fritz Schultz – Themelues, Shultz K9 Enforcement Inc.
Schultz kujton se çdo sipërmarrës i suksesshëm ka kaluar nëpër sfida. Ai thekson rëndësinë e mësimit nga dështimet, ndërtimit të një ekipi që plotëson dobësitë e tua dhe kuptimit të thellë të klientit.
Sipas tij, sipërmarrësit duhet të kenë mentorë, të bëjnë rrjetëzim aktiv dhe të mos tremben nga rreziqet e llogaritura. Feedback-u i vazhdueshëm nga klientët dhe partnerët është një nga mënyrat më të mira për të përmirësuar qasjen.
Carlos Cerezo – CEO, HART CAPITAL
Për Cerezo, suksesi nuk është thjesht përshtatje, por udhëheqje e ndryshimit. Në Hart Capital, kombinimi i teknologjisë më të avancuar me talent të jashtëzakonshëm ka qenë thelbësor.
Ai thekson rëndësinë e partneriteteve strategjike dhe rrjeteve të forta, duke i konsideruar ato si mënyra për të përshpejtuar rritjen dhe shmangur gabimet e kushtueshme.
Elon Musk – CEO, Tesla & SpaceX
Musk nxit sipërmarrësit të fokusohen në problemet reale dhe të mos kenë frikë nga dështimi. Për të, vizioni i madh dhe këmbëngulja janë çelësi. Ai parashikon se fushat më të mëdha të mundësive në 2025 do të jenë qëndrueshmëria dhe eksplorimi hapësinor.
Lexo edhe: TXEX, platforma piramidale që i vodhi shqiptarëve mbi 5 mln $!
Sara Blakely – Themeluese, Spanx
Blakely thekson reziliencën dhe guximin për të hedhur hapin e parë edhe pa pasur të gjitha përgjigjet. Ajo i këshillon sipërmarrësit të besojnë instinktet, të jenë krijues dhe të ndërtojnë një rrjet mbështetës. Fushat me potencial të madh për të ardhmen, sipas saj, janë shëndeti, mirëqenia dhe qëndrueshmëria.
Richard Branson – Themelues, Virgin Group
Branson predikon guximin, fleksibilitetin dhe inovacionin afatgjatë. Për të, suksesi vjen nga ndërtimi i bizneseve që kanë ndikim pozitiv te njerëzit dhe shoqëria. Ai thekson rëndësinë e fuqizimit të ekipeve dhe besimit tek ata.
Jeff Bezos – Themelues, Amazon
Bezos vë theksin te obsesioni ndaj klientit dhe mendimi afatgjatë. Ai i inkurajon sipërmarrësit të eksperimentojnë, të mos kenë frikë nga dështimi dhe të investojnë në teknologji si AI, robotika dhe automatizimi, të cilat do të revolucionarizojnë industrinë në 2025.
Oprah Winfrey – Themeluese, OWN Network
Winfrey flet për autenticitetin dhe vetëbesimin. Ajo këshillon sipërmarrësit të lidhen me vlerat e tyre dhe të ndërtojnë biznese që kanë edhe një ndikim social pozitiv. Sipas saj, sipërmarrësit e së ardhmes duhet të fokusohen tek “entrepreneurship for good”.
Warren Buffett – CEO, Berkshire Hathaway
Buffett mbetet i palëkundur në filozofinë e tij: durim dhe investim në vlerë. Ai këshillon të mos ndikohemi nga luhatjet afatshkurtra të tregut, por të fokusohemi te avantazhi konkurrues dhe menaxhimi i mirë.
Mark Zuckerberg – CEO, Meta
Zuckerberg e sheh vitin 2025 si një vit vendimtar për ekonominë dixhitale. Ai inkurajon sipërmarrësit të mendojnë në mënyrë vizionare dhe të përqafojnë teknologjitë e reja si realiteti virtual, metaversi dhe AI, duke ndërtuar ekipe të forta dhe duke mbetur të përkushtuar ndaj inovacionit.
Nga vizioni i Musk dhe besimi në inovacionin hapësinor, deri te filozofia e durimit e Buffett apo autenticiteti i Winfrey, këto këshilla tregojnë një gjë të qartë: suksesi në 2025 do t’u përkasë atyre që kombinojnë teknologjinë, guximin dhe mendimin afatgjatë me vlera të qëndrueshme dhe ndikim pozitiv në shoqëri.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
