Në një njoftim për shtyp, kompania H&M ka njoftuar se Katarzyna Niemirowicz-Majtas do të marrë pozicionin e ri të Menaxheres Rajonale të H&M për rajonin e Evropës Lindore duke nisur nga muaji shtator.
Me 17 vite përvojë në kompani, Katarzyna Niemirowicz-Majtas ka një përvojë solide në shitje nga një sërë rolesh të ndryshme si Menaxhere Dyqani, Kontrolluese e Zonës, Menaxhere e Zonës dhe Menaxhere e Shitjeve, dhe së fundmi si Menaxhere Vendi për Spanjën dhe Portugalinë, si dhe Menaxhere Vendi për Italinë. Katarzyna ka zhvilluar me sukses liderë, ekipe dhe biznesin ndër vite. Me përvojën e saj të gjerë në kompani dhe pasionin për biznesin dhe modën, ajo do të vazhdojë të udhëheqë ekipet rajonale dhe lokale me frymëzim dhe fokus në ofrimin e rezultateve për të gjitha 21 vendet që përfaqësojnë H&M REEU (H&M REGION EAST EUROPE).
Lexo edhe:Politika e re e Amazon për rikthimin në zyrë nxit debat për punën në distancë dhe produktivitetin
“Jam shumë krenare dhe e nderuar që jam në rolin e Menaxheres Rajonale të rajonit tonë dinamik dhe të larmishëm të Evropës Lindore. Vizioni im është të përdor themelin e shkëlqyer tashmë të krijuar në rajon me një drejtim të ri të markës dhe praktikat më të mira nga rajonet e tjera me të cilat kam punuar për të përshpejtuar rritjen në të gjithë organizatën. Pres me padurim të udhëheq H&M East Europe përmes kapitullit të ri për mua si lidere, por edhe për të gjitha ekipet tona – pasi këtë vjeshtë po fillojmë sezonin tonë më të mirë të vjeshtës ndonjëherë, ne po përmirësojmë përvojat digjitale dhe dyqanet e shumta fizike kështu që klientët brenda rajonit tonë do ta përjetojnë atë drejtpërdrejtë.” thotë Katarzyna Niemirowicz-Majtas.
Mehmet Arisoy, i cili ka menaxhuar më parë rajonin e Evropës Lindore për 3 vitet e fundit, tani do të vazhdojë udhëtimin e tij në H&M Group si Chief Sales Officer në rajonet kryesore (përfshirë Franchise) dhe duke qenë përgjegjës për drejtimin e strategjisë tregtare dhe ekzekutimin e shitjeve, me qendër në zyrën e Stokholmit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
