Kanye West pezullohet nga Instagram për një periudhë kohore aspak të zakontë - Business Magazine Albania

Kanye West pezullohet nga Instagram për një periudhë kohore aspak të zakontë

Kanye West është pezulluar nga Instagrami për 24 orë për shkelje të politikës së ngacmimeve në rrjetin social. West nuk ishte në gjendje të postojë, komentojë ose dërgojë mesazhe për 24 orë.

Një zëdhënës i Meta-s, i cili zotëron Instagram, tha për CNBC se West ka shkelur politikat e platformës për gjuhën e urrejtjes dhe ngacmimet.

Meta, e cila nuk bëri të ditura detajet e postimit, tha se mund të ndërmerren veprime të mëtejshme kundër West, nëse ai vazhdon të ofendojë në të ardhmen.

Një përfaqësues i West nuk iu përgjigj menjëherë kërkesës së CNBC për koment.

Një raport i Variety zbulonte se West ka drejtuar sharje racore ndaj Trevor Noah, drejtuesi i “The Daily Show”, në një postim në Instagram që tani është fshirë.

Shpërthimi i supozuar i sharjeve thuhet se erdhi pasi Noah pati një debat midis West, ish-gruas së West, Kim Kardashian dhe të dashurit të saj, komedian Pete Davidson.

Kardashian bëri kërkesë për divorc një vit më parë. Çifti kanë katër fëmijë së bashku. Pas divorcit, West kritikoi publikisht marrëdhënien e Kardashian me Davidson në rrjetet sociale dhe i kërkoi asaj të kthehej tek ai.

Lexo edhe: Ja përse Kim Kardashian po kritikohet për këshillat e saj drejtuar grave në biznes

Meta nuk u përgjigj kur CNBC pyeti se në cilën orë hyri në fuqi pezullimi dhe në çfarë ore do të hiqet.

Matt Navarra, një konsulent i mediave sociale, tha për CNBC se 24 orë duken si një kohë “çuditërisht specifike”.

“Pse jo 48 orë, ose një javë, ose më gjatë?” tha ai. “Ka një mungesë zhgënjyese të qartësisë nga Meta se pse ky incident specifik kërkon një pezullim 24 orësh kundrejt një ndalimi njëjavor. Si mund t’i besojnë përdoruesit e Instagram platformës kur penalitetet për shkeljen e rregullave të Meta-s ndihen sikur janë të sajuara.”

Ai shtoi se, disa njerëz mund të pyesin nëse një përdorues i rregullt jo i famshëm në Instagram do të merrte një pezullim më të gjatë për një incident të ngjashëm.

“Ky incident rindez debatin nëse përdoruesit e profilit të lartë, si p.sh. të famshëm me shumë ndjekës, duhet të trajtohen njësoj si përdoruesit e rregullt, kur bëhet fjalë për sjelljen e tyre në platformat e mediave sociale, apo nëse kompani si Meta bëjnë përjashtime dhe ofrojnë trajtim preferencial”.

cnbc

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0