Kampioni i botës për 2016 i të folurit në publik thotë se fillestarët gjithmonë bëjnë këto 2 gabime - Business Magazine Albania

Kampioni i botës për 2016 i të folurit në publik thotë se fillestarët gjithmonë bëjnë këto 2 gabime


Darren Tay, një avokat 27-vjeçar nga Singapori, u bë kampion bote i të folurit në publik në gusht për 2016, duke u mbijetuar disa raundeve të një konkursi që zgjati rreth gjashtë muaj dhe përfshiu më shumë se 30.000 konkurrentë.
Ai i ka patur aftësitë e të folurit në publik që kur ishte në shkollën e mesme dhe në vitin 2009, ai themeloi Akademinë e të Folurit në Publik në Singapor.

Me kalimin e kohës, ai ka parë gabime të përsëritura në mesin e folësve rishtarë. Ai tha për Business Insider se sheh më së shumti dy gabime.

Ata janë shumë të vetëdijshëm për gjestet e tyre
“Nuk po them se aspekti joverbal i komunikimit nuk është i rëndësishëm, vetëm se ata bëhen të fiksuar me gjestet e dorës, ose kur ata qëndrojnë në një pjesë të veçantë të skenës” tha Tay. “Por, shumë herë ata e bëjnë këtë në kurriz të përmbajtjes.”

Tay beson se fjalimi duhet të udhëheqë gjestet dhe jo anasjelltas. Për t’u ndihmuar me këtë, ai përgatitet për çdo fjalim me të paktën disa minuta meditim, që nënkupton se ai mbyll sytë e tij dhe merr frymë thellë dhe ngadalë dhe bën “poza pushteti” duke shtritur krahët mbi kokën e tij, duke imituar shprehjet e triumfit. Këto dy ushtrime e ndihmojnë atë të lidhi mendjen me trupin e tij.

Tay gjithashtu vuri në dukje se është e zakonshme që fillestarët e të folurit në publik kanë problem me gjestet e tyre, kur ata prekin fytyrën gjatë gjithë kohës, nënkupton nervozizëm, ose përdorimi i shumtë i duarve pa lidhje me fjalimin është shumë shpërqëndrues. Ai tha se qendra ideale e gjesteve është në lartësinë e barkut dhe lëvizjet jashtë kësaj qendre përdoren për efekt dramatik.

Ata imponojnë një mur në përparimin e tyre
“Shumica e folësve publikë gjithmonë mendojnë se kjo ka lidhje me natyrën e njeriut,” tha Tay, duke shpjeguar se kjo nuk është e vërtetë. “Unë isha shumë i pasigurt në vetvete dhe i turpshëm dhe më mori shumë kohë para se të ndërtoja forcat dhe aftësitë e mia për të qenë një folës i mirë publik.”

Sigurisht, njerëzit kanë një tendencë të jenë ekstovertë ose introvertë, por fakti që një ekstrovert i sigurt mund të jetë më i gatshëm të qëndrojë në frontin e një audience nuk do të thotë se ata do të japin një prezantim të mirë.

Tay rekomandon që të gjesh një mentor që të bën të ndihesh rehat dhe që do të japë një reagim vërtetë të ndershëm por në të njëjtën kohë mbështetës. Dikush jep një prezantim të mirë, kur ka shpenzuar orë duke praktikuar si të lidhen me një audiencë në nivel intim dhe kjo është një aftësi që mund të përshtatet për çdo personalitet.

burimi: Business Insider

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0