Jonas Ridderstråle folës në Spark.Me 2020. Spiker ndërkombëtar dhe mendimtar me influencë


Spark.me sjell histori nga zgjidhjet teknologjike më inovative, modele të reja të biznesit, strategji angazhimi të markave, iniciativa për ndryshimin e botës dhe bashkon së bashku biznesin, teknologjinë, udhëheqësit e inovacionit, marketerët, startup-et dhe geeks.

Jonas Ridderstråle do të jetë mes spikerëve të konferencës Spark.Me që do të zhvillohet në Porto Montenegro në qytetin e Tivatit në Mal të Zi gjatë datave 30-31 Maj. Jonas është një nga mendimtarët dhe folësit më me ndikim në botë përsa i përket fushës së biznesit. Ai është bashkëautor i librit bestseller “Funky Business”.

Ky libër u kthye shpejt në një sukses ndërkombëtar me mbi 300.000 kopje të shitura. Një survey i Bloomsbury e renditi librin në vendin e 16, si një nga librat më të mirë të biznesit të të gjitha kohërave. Librat e Jonas janë përkthyer në më shumë sesa 30 gjuhë të ndryshme dhe janë publikuar në më shumë sesa 50 vende të botës.

Lexo këtu: Mësoni më shumë për marketingun dixhital nga Sam Conniff Allende, folës në Spark.me

Dr.Ridderstråle ka përfunduar masterin për Administrim Biznesi dhe ka marrë doktoraturën në Biznes Ndërkombëtar. Aktualisht ai punon si profesor i jashtëm në Ashdridge, shkollë biznesi në Mbretërinë e Bashkuar, e cila njihet ndërkombëtarisht.

Kompania e kërkimeve “Global Gurus”, e ka renditur Jonas Ridderstråle si një nga profesionistët më të mirë në botë në fushën e Menaxhimit dhe e ka klasifkuar atë ndër 5 profesionistët më të mirë në Europë. Gjatë 20 viteve të fundit ai i ka dedikuar shumë kohë audiencës së tij, duke i nxitur njerëzit të kenë kurajo, besim dhe dëshirë për t’i bërë gjërat ndryshe.

Nëpër workshop-e dhe takime ai i përcjell mesazhet e tij me pasion dhe energji, duke sjellë mendime inovative dhe duke frymëzuar të tjerët për të sjellë ndryshim. Aftësitë e tij akademike, imagjinata, humori dhe prezantimet e tij dinamike kanë frymëzuar audienca të gjëra nga Moska në Mumbai, nga San Francisko në Shangai.

Jonas Ridderstråle flet për gjërat që duhen bërë për të ndërtuar një organizatë në epokën ku po jetojmë, të aftë të rezistojë në këtë kohë trazirash. Ai flet për rëndësinë që ka të pasurit një ëndërr për kompaninë, në vend të një plani 5 vjeçar.

Idetë e Dr. Ridderstråle kanë pasur mbulim mediatik në të gjithë botën. Ai është shfaqur në një intervistë tek ‘Global Office’ në CNN ku ka folur mbi idetë që qëndrojnë pas librave të tij. Gjithashtu, ai është përmendur në Fortune, Fast Company, Time Magazine, Financial Times, The Times, Stern, Newsweek, Paris Match dhe shumë media të tjera.

 

 

 

 

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale