Jeni sipërmarrës? Ja disa këshilla si të ushqeheni shëndetshëm

Kur mendojmë suksesin e një sipërmarrësi, një pjesë e jona mendon për kohën që shpenzojnë ata, netët pa gjumë si dhe mënyrën e të ushqyerit. Sa e sa histori kemi dëgjuar për njerëz, të cilët kosumojnë një numër të lartë të pijeve energjike vetëm e vetëm për të qëndruar zgjuar, për të mbyllur projektet e tyre?

Kur i pyesni ata pse nuk ushtrohen apo hanë mirë, përgjigjia tipike është se ata nuk kanë kohë. Ky është vetëm një justifikim. Fakti që mbi 69% e njerëzve janë obezë, tregon se ata kanë probleme të mëdha me stresin. Një arsye tjetër është edhe mos ushqyerja siç duhet.

Chef Jason Roberts autor i librit “Ushqimi i Mirë dhe i Shpejtë” ofron disa receta të shëndetshme për njerëzit që e dashurojnë ushqimin, por nuk kanë kohë të gatuajnë. Ja disa këshilla për ata që duan të ushqehen shpejtë dhe shëndetshëm:

Përqëndrohuni tek të jetuarit e ndërgjegjshëm
Përqendrimi që keni në biznesin tuaj, duhet të zbatohet gjithashtu në mënyrën e trajtimit të trupit tuaj. Në vend që të jeni të vetëdijshëm për vetëm një aspekt të jetës tuaj, thjesht zgjeroni përqendrimin në gjëra të tjera, si shëndeti. Një gabim i zakonshëm që sipërmarrësit bëjnë, është ndarja e asaj që hanë nga mënyra se si ata performojnë. Ushqimi më i mirë siguron “karburant” më të mirë, i cili rrit produktivitetin dhe përqëndrimin tonë. Para se të filloni të përpiqeni të kujdeseni për veten tuaj, së pari duhet të pranoni rëndësinë e të ngrënit mirë.

Nëse kjo nuk është e mjaftueshme për t’ju bindur që të hani shëndetshëm, merrni parasysh këtë: Ekspertët thonë se 75 % e humbjes së peshës vjen nga ushqimi që hani e jo nga ushtrimet që praktikoni. Sipas Jason kjo ka të bëjë me ekuilibrin. Të qenurit i shëndetshëm ju bën një sipërmarrës më të mirë.

Bëni katër zgjedhjet më të mira në ditë
Të kuptuarit e rëndësisë së të ngrënit, drejt është një hap i shkëlqyer, por kjo nuk përbën asnjë ndryshim deri në momentin që ju filloni të bëni ndryshime. Për vetë faktin se njerëzit e dinë që kjo gjë duhet bërë, por që nuk marrin iniciativën për të bërë ndyshimin. Këshillat e Jasonit përqëndrohen në zgjedhjen e katër ushqimeve më të mira në ditë.

Një tjetër shembull është kur ju zgjoheni në mëngjes dhe anashkaloni mëngjesin si vakt të ngrëni. E mira është që të konsumoni një mëngjes të shëndetshëm e pastaj të vazhdoni atktivitetin tuaj. Një problem i madh që bën që njerëzit të heqin dorë nga ushqimi i shëndetshëm është nxitimi. Kur mbingarkoni veten, ju dëmtoni shëndetin tuaj. Prnadaj zgjidhja më e mirë është të përzgjidhni katër ushqime të mira dhe ndryshimet pozitive vijnë me kalimin e kohës.

Lexo: Anila Kalleshi: Si të ushqehemi në stinën e verës

Kujdes nga ushqimet e përpunuara
Alternativa më e mirë e njerëzve për t’u ushqyer është të ngrënit jashtë.  Jo vetëm që ushqimi në restorante është më i kushtueshëm, por gjithashtu nuk dini se çfarë po konsumoni. Kështu që edhe një pjatë që duket se është e shëndetshme, mund të përmbajë toksina dhe të mos ketë lëndë ushqyese.

Për t’a zgjidhur këtë, thotë Jason, drejtohuni në gatimin e vakteve të shëndetshme për veten dhe familjen tuaj. Një tjetër këshillë është të provoni dhe hani pa yndyrë. Është e mahnitshme se sa njerëz kanë humbur yndyrën në bark dhe kanë rritur energjinë nga heqja e yndyrnave nga dieta e tyre.

Jason thotë se disa ushqime kanë format e disa organeve të trupit tonë. Sipas tij, disa ushqime të shëndetshme duken si organet e njeriut. Psh: arrat njajnë me trurin, kockat me selino dhe patatet e ëmbla duken si një pankreas. Përdoreni këtë si një udhëzues për të ngrënë ushqime natyrale dhe të thjeshta, dhe do të ndiheni shumë më mirë në jetën tuaj personale dhe profesionale.

CNN