Je 14-16 vjeç? Bëhu pjesë e programit të komunikimit TalkUP - Business Magazine Albania

Je 14-16 vjeç? Bëhu pjesë e programit të komunikimit TalkUP

Po bëhet një vit që kur pandemia ka ndryshuar jetët tona, ka rritur pasigurinë, ka prekur shëndetin, e madje na ka marrë edhe njerëz të afërt. Këto muaj na është dashur të rendim, të përshtatemi për të mbijetuar e të ndërmarrim hapa që nuk i kishim menduar më parë. Prindërit po punojnë në forma të reja, ose kanë mbetur pa punë. Institucionet publike janë fokusuar tek menaxhimi i emergjencave: si shëndeti dhe ulja e të ardhurave.

Ndërkohë, rreziku i dëmeve të padukshme tani, por që mund të na shoqërojnë për shumë kohë, është i lartë. Mes tyre janë edhe adoleshentët.

Sipas një sondazhi të zhvilluar para pak muajsh nga UNICEF, mbyllja e aplikuar për shkak të Covid-19 ka ndikuar në shëndetin mendor të rreth 40% të adoleshentëve. Ato shfaqin stres nga shkëputja nga miqtë dhe shkollat, ndërsa qëndron frika e sëmundjes dhe frika e një të ardhme jashtë kontrollit të tyre.

Në një shoqëri ende në tranzicion si kjo në Shqipëri, adoleshentët janë edhe më të cënuar. Në përgjithësi edhe pa pandeminë, pikëpyetjet dhe pasiguritë e adoleshentëve janë të mëdha.

Qendra Multifunksionale Kallz, me mbështetjen e një grupi sipërmarrjesh me fokus të rinjtë, sjell  programin TalkUp. Me mbi 10 seanca komunikimi, ndërveprimi, lojë dhe praktikë, djemtë e vajzat do të shohin frutet e një komunikimi cilësor. Programi i formimit synon të rrisë aftësitë e tyre të komunikimit.

Pasiguritë shoqërohen me mbyllje në vetvete, me tension dhe mesazhe të paqarta për audiencën. Kjo krijon një rreth vicioz, pasi mesazhet e paqarta sjellin rezultate më të dobëta, madje të dëmshme. Rrjedhimisht krijohen ngërçe dhe tensione. Kjo ndodh në raport mes shokët, në raportin të rinj-mësues e po ashtu edhe në raportin fëmijë-prindër.

Lexo: A duhet të përdorni influencues të mediave sociale gjatë komunikimit në kohë krizash?

Për të çliruar këtë ngërç, Kallz fton të rinjtë të bëhen pjesë e programit.

Je i sfiduar në komunikimin tënd? Mendon se shokët, prindërit dhe mësuesit nuk të kuptojnë?

Mendon se njohuritë e tua nuk i shpreh siç duhet?!

Bashkohu në grupet e të rinjve dhe përmirëso aftësitë e tua të komunikimit.

TalkUP, është projektuar për moshat 14-16 vjeç dhe mbështetet nga FastCall, MR Potato, Bukinist, Businessmag dhe Albacademy. Apliko Këtu.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0