Japonia do të hapë dyert për turistët e vaksinuar, pas më shumë se dy vjetëve me kufij të mbyllur, për shkak të pandemisë së koronavirusit. Prej 11 tetorit, turistët do të mund të vizitojnë këtë shtet pa viza dhe nuk do të kenë nevojë të angazhojnë agjenci udhëtimi.
Edhe kufizimi në numrin e turistëve që mund të hyjnë brenda shtetit në baza ditore, është hequr po ashtu. Megjithatë, që të hyjnë, vizitorët ende do të duhet të tregojnë dëshmi se kanë marrë tri vaksina kundër koronavirusit dhe një test negativ.
Ekonomia e tretë më e madhe në botë ishte një nga fuqitë e fundit aziatike që i mbajti kufijtë e saj të mbyllur për shkak të Covid.
Shkalla e vdekjeve atje është më e ulëta në mesin e kombeve më të pasura në botë, ndërsa shkalla e vaksinimit të vendit është ndër më të lartat.
Lexo edhe: Ulje të vështira ,pistat më të frikshme të avionëve në botë!
Japonia gjithashtu kurrë nuk urdhëroi bllokime ose mbajtjen e maskave, por shumë vendas adoptuan me lehtësi masat mbrojtëse.
Ndërkohë pas Japonisë edhe Hong Kongu ka njoftuar përfundimin e heqjen e karantinës për turistët ndërkombëtarë pas më shumë se dy vjet e gjysmë kontrollesh të rrepta pandemike.
Sipas rregullave të reja që do të hyjnë në fuqi nga 26 shtatori, udhëtarëve që vijnë do t’u kërkohet t’i nënshtrohen tre ditëve të vetë-monitorimit pas mbërritjes.
Ndërkohë edhe Tajvani tha se synon të heqë karantinën e detyrueshme më 13 tetor nëse ishulli rezulton se e ka kaluar kulmin e shpërthimit të tij të fundit nga Omicron BA-5.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
