Çelës tërësisht metalik, zhurmë karakteristike teksa dyer mbyllen, timon i thjeshtë dhe i pa komplikuar. Këto janë disa prej cilësive dalluese të makinave para viteve ’90.
Teksa vitet kaluan makinat u bënë akoma edhe më shumë “të komplikuara”. Të gjitha në emër të sigurisë dhe të komfortit të drejtuesit të mjetit.
Një nga teknologjitë tashmë jo më të reja është edhe Smart key access. Kjo teknologji u prezantua për herë të parë në vitin 1995 nga Siemens. Makina e parë, e cila e “përqafoi” atë ishte Mercedes Benz S Class i vitit 1998. Kjo teknologji u patentua nga Daimler-Benz në Maj të vitit 1997.
Lexoni: Makinat dhe rrugëtimi i tyre i ri!
Smart key access bën të mundur që hapja e dyerve dhe ndezja e makinës të bëhet vetëm duke mbajtur pultin/çelësin e makinës në xhep. Makina e njeh automatikisht atë në një distancë të caktuar. Dyert hapen pa patur nevojën e shtypjes së ndonjë butoni, përveç atij të ndodhur në pjesën e brendshme të dorezës së derës. Gjithashtu motorri i makinës ndizet nëpërmjet shtypjes së një butoni pranë timonit ose pranë konsolit të mesit të makinës.
Pikërisht nga kjo teknologji kanë përfituar disa hajdutë profesionistë dhe të sofistikuar. Njëri prej tyre mban në dorë një aparaturë, e cila bën të mund marrjen e sinjalit nga pulti i makinës. Aparatura ndodhet mjaftueshëm pranë makinës për të bërë të mundur aksesimin e saj.
Kjo është historia fatkeqe e një pronari të një Mercedes Benz E Class (ndoshta? skuadra e dizajnit të Mercedes ka qenë shumë përtace me C dhe E Class).
Kjo lloj vjedhje ka njohur rritje jo vetëm në Britaninë e Madhe, por edhe në vende të tjera.
https://youtu.be/RKCmm4pOziM
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
