Ja se si të dukeni më mirë në një videocall - Business Magazine Albania

Ja se si të dukeni më mirë në një videocall

Ndërsa i afrohemi kufirit dy vjeçar të kësaj pandemie, është shumë e qartë se të gjithë kemi nevojë për disa këshilla se si mund të dukemi më mirë para kamerës në mbledhjet tona të punës online.

Këtu janë disa këshilla dhe truke se si mund të dukeni më mire gjatë mbledhjeve të punës në Zoom apo platforma të tjera.

Ndriçoni fytyrën

Është më mirë të filloni me ndriçimin sepse kjo do të diktojë se ku jeni ulur. Hapni dritaret dhe lëreni dritën natyrale të hyjë brenda, por mos lejoni që e gjithë ajo dritë të godasë shpinën tuaj. Rekomandohet që të keni burimin më të madh të dritës ose para jush ose jo më shumë se 45 gradë larg nga ju.

Gjithashtu duhet të jeni të vetëdijshëm se ekrani juaj mund të jetë një burim i madh i dritës, kështu që rregulloni ndriçmin e tij. Dhe nëse keni syze dhe mbani ekranin e kompjuterit me ndriçim shumë të lartë, të gjithë kolegët në telefonatën tuaj të Zoom do të jenë në gjendje të shohin veten të reflektuar tek lentet tuaja.

Ngrini kamerën tuaj

Ekziston një dhe vetëm një kënd i pranueshëm i kamerës: kokë më kokë dhe në nivelin e syve. Tavolina juaj me siguri do të jetë më e ulët se fytyra juaj, dhe kjo do të thotë se njerëzit do të kenë një pamje jo fort të këndshme të fytyrës tuaj. Përdorni një grup librash, një stol ose një tavolinë më të lartë për t’u siguruar që kamera juaj të jetë në të njëjtin nivel me sytë tuaj.

Lexo edhe: Të punuarit nga shtëpia do të vazhdojë dhe pas pandemisë! Ja çfarë parashikon drejtuesi i Zoom

Testoni videon paraprakisht

Ju dëshironi të dukeni mire para se të nisni mbledhjen me kolegët tuaj e jo të shfaqeni duke rregulluar ambjentin tuaj rrethues, ndriçimin e ekranit, këndin ose flokët. Zoom, Webex dhe aplikacione të tjera kanë një opsion për t’ju shfaqur një pamje paraprake të videos tuaj përpara fillimit të telefonatës. Nëse zgjidhni këtë opsion, një pamje paraprake e videos do të shfaqet përpara se të kryeni një telefonatë, në mënyrë që të mund të kontrolloni se si duket gjithçka.

Gjeni një vend të qetë

Shumica prej nesh nuk kanë kontroll mbi audion, por do të tingëlloni më mirë nëse bëni një telefonatë në një vend të qetë. Gjithashtu mbani në mend se kufjet tuaja mund të kenë një mikrofon më të mirë se kompjuteri juaj. Shumica e aplikacioneve të videokonferencave kanë një mjet në cilësimet e tyre për të testuar mikrofonin tuaj dhe rekomandohet të mblidhni të gjithë mikrofonët në shtëpinë tuaj (kufjet shpesh kanë një të integruar) dhe t’i testoni për të gjetur atë që tingëllon më qartë.

Bëhuni komodë

Ashtu si në një takim fizik, sapo t’i bashkoheni një telefonate, nuk duhet të ngriheni dhe të lëvizni. Filloni me një vend të rehatshëm për t’u ulur ose për të qëndruar në këmbë për një periudhë të gjatë kohore. Nëse jeni duke përdorur laptop, vendosni një karikues në prizë në mënyrë që të jeni gati për kur bateria juaj të bierë.

theverge

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0