Super Bowl-i i këtij viti u pa nga mesatarisht 123.4 milionë njerëz në SHBA, duke e bërë atë transmetimin më të ndjekur që nga zbritja në Hënë në vitin 1969.
Vlerësimet paraprake televizive amerikane e vendosin lojën e së dielës menjëherë pas uljes historike të Apollo 11, e cila u pa nga rreth 125 deri në 150 milionë njerëz.
Kansas City Chiefs mundi San Francisco 49ers 25-22 në kohën shtesë. Pjesëmarrja e shumëpritur e Taylor Swift për të parë të dashurin Travis Kelce mund t’i ketë rritur shifrat.
Kishte shumë spekulime në prag të ndeshjes nëse Swift do të kthehej nga Japonia, ku ajo kishte performuar në turne.
lexo: Kodi sekret “14643” në WhatsApp, çfarë kuptimi fshihet pas mesazhit të koduar?
Sipas Variety, ka disa debate se sa ajo ndikoi në numrin e audiencës, por instituti kërkimor doli në përfundimin nga një sondazh blic se 20% e shikuesve të Super Bowl ishin duke mbështetur Chiefs për shkak të marrëdhënies së këngëtares me Kelcen.
Kamerat sigurisht që po shijonin faktorin Swift, duke përfshirë pamjet e yllit duke hyrë në arenë, duke u shoqëruar me aktoren Blake Lively dhe reperin Ice Spice dhe duke puthur Kelcen pas ndeshjes teksa festonin fitoren.
Sipas analistëve të medias Nielsen, një rekord prej 202.4 milionë njerëz ndoqën të paktën një pjesë të lojës.
Ndeshja Super Bowl e vitit të kaluar mes Chiefs dhe Philadelphia Eagles u ndoq nga 115.1 milionë shikues.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
