Sipas një studimi të ri akademik, djemtë e lindur të parët janë 24% më të prirur për t’u bërë drejtues”, pra CEO. Arsyeja: Ata kanë rezultatet më të larta në testet e personalitetit për sa i përket aftësisë drejtuese.
Ekonomistët që kryen studimin në Suedi dhe në Universitetin e Teksasit, thonë se ata janë më të prirur për të qenë “të vetë-punësuar”.
Studimi i publikuar muajin e kaluar nga Byroja Kombëtare e Kërkimeve Ekonomike, shqyrtoi qindra mijëra meshkuj suedezë, për të matur efektin e rendit të lindjes në tiparet e personalitetit.
Kërkuesit krahasuan regjistrimet e lindjeve me të dhënat ushtarake dhe të punësimit.
Studimet e mëparshme kanë treguar se fëmijët e parë shënojnë rezultate më të larta në testet e inteligjencës IQ, gjë prej së cilës “përfitojnë” motrat dhe vëllezërit pasues. Por ky studim synon të shpjegojë rolin që personaliteti luan në këtë ekuacion.
Duke parë testet e personalitetit të ushtrisë, studiuesit gjetën se djemtë e lindur të parët kishin rezulatete më të larta për tiparet si stabiliteti emocional, këmbëngulja, vetbesimi dhe gatishmëria për të marrë pozita udhëheqëse.
Djemtë e lindur të parët kanë 24% më shumë gjasa të bëhen menaxherë të lartë se djemtë e lindur të dytët dhe 29% më shumë se djemtë e lindur të tretët.
Përsa i përket personalitetit, djemtë me motra më të mëdha priren të sillen më shumë si djemtë e lindur të parët, duke treguar tipare të mrekullueshme të udhëheqjes krahasuar me djemtë me vëllezër më të mëdhenj. Por këto cilësi lidershipi, jo domosdoshmërisht përkthehen në të njëjtin sukses profesional si djemtë e lindur të parët.
Tani, bëhuni gati të dëgjoni mburrjet e “shefit të madh”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
