Ja cili është plani me 3 pika i qeverisë për mbrojtjen e familjes shqiptare nga furtuna e krizës energjetike - Business Magazine Albania

Ja cili është plani me 3 pika i qeverisë për mbrojtjen e familjes shqiptare nga furtuna e krizës energjetike

krizës energjetike

Kryeministri i vendit prezantoi ditën e djeshme planin e qeverisë për mbrojtjen nga kriza energjetike.

Plani i Qeverisë për mbrojtjen e familjes shqiptare nga furtuna e krizës energjetike ka 3 pika kryesore:

  • Garantimi i furnizimit të pandërprerë të energjisë elektrike
  • Mbrojtja e familjeve dhe bizneseve të vogla nga rritja e çmimit të energjisë elektrike
  • Garanci Sovrane Shtetërore, 2X100 milionë EURO, për të siguruar zbatimin e dy pikave të para

Lexoni: Qeveria shpall gjendjen e emergjencës. Shqetësim furnizimi i pandërprerë me energji elektrike

Nuk do ketë rritje të çmimit të energjisë për konsumatorin familjar dhe biznesin e vogël dhe ndërprerje të furnizimit

“Plani ynë i kundërveprimit nuk parashikon rritjen e çmimit të energjisë për konsumatorët familjarë dhe biznesin e vogël, as parashikon ndonjë operacion kufizimesh të furnizimit me energji elektrike në shkallë vendi. Stuhia e kësaj krize dhe është e rendësishme përsëri të dëgjojmë njeri tjetrin, sipas ekspertëve ndërkombëtar, por edhe në gjykimin e disa vendeve mike me të cilat jemi konsultuar për si e shohin dhe qysh duan ta adresojnë krizën, parashikohet ta ketë fazën e saj agresive deri në fillimin e verës së ardhshme, natyrisht këto janë parashikime mund të ndodhë më parë, por mos qoftë e thënë mund të zgjasë dhe më pas. Megjithatë plani ynë mbulon pikërisht këtë periudhë. Ndërkohë që qeveria po përgatitet dhe për një konsultim kombëtar brenda këtij viti me të gjithë ju. Do t’ju kërkojmë të na jepni opinionin tuaj mbi këtë çështje dhe jo vetëm mbi këtë çështje në fakt.”

Çmimi i energjisë elektrike nën koston e prodhimit, nuk ka ndryshuar që prej vitit 2015

“Çmimi i energjisë elektrike në faturën që na vjen nuk është çmimi real i enegjisë që blejmë, por është një çmim i kontrolluar nga shteti. Ky është një çmim nën koston e prodhimit, që është mbajtur i palëvizur pikërisht për të mos lënduar asnjë familje. Nga ana tjetër fasha u hoq, sepse ishte një kënetë korrupsioni dhe abuzimesh të padëgjuara, ku deri te fabrika apo 7 kurora me 7 vila dy katëshe zinxhir paguanin si të ishin familje e varfër me ndihmë ekonomike. Por ama ne nuk i futëm të tërë në një thes pasi hoqëm fashën dhe me vendim qeverie të vitit 2015 krijuam një mburojë për ata që realisht ishin familje në nevojë dhe qysh prej atij viti ne financojmë çdo vit nga buxheti i shtetit diferencën, mes 7.7 dhe 9.5-ës, që do të thotë se ata e marrin qysh prej vitit 2015 nga qeveria këtë shumë të diferencës në fondin e tyre të pensionit apo të ndihmës ekonomike”.

Shqipëria nuk e prodhon vetë të gjithë energjinë që i duhet vendit

“Unë nuk jam këtu as për të heshtur kur thoni që Shqipëria e prodhon vetë gjithë energjinë që i duhet, po ne e shiskemi lirë jashtë, që pastaj ta blejmë shtrenjtë për ta vjedhur. Në fakt jo, Shqipëria nuk e prodhon vetë të tërë energjinë që i duhet dhe ne e shesim lirë kur tërë rajoni rrotull nesh nuk ka asnjë nevojë alarmante për energji, që të mos e hedhim ujin e hidrocentraleve në lumë, apo më keq akoma që të mos përmbysim fushat e mbjella duke e mbajtur kapicë. Ndërsa nga ana tjetër e blejmë shtrenjtë, sepse dalim në treg kur nevoja për energji bëhet alarmante për shkak të thatësirës. Prandaj po e ndërtojmë Skavicën, që prej 50 vjetësh rrinte në sirtar, që të kemi një rezervuar mbledhës në Kaskadën e Drinit, ujin e tepërt sot që kemi shi ta mbajmë rezervë për nesër kur të kemi thatësirë”.

Nafta e shtrenjtë për shkak të taksës së qarkullimit dhe karbonit

“Jo, nuk e prodhojmë në vend naftën që konsumojmë për automjetet tona. Pasi ajo është e rëndë dhe ajo shitet jashtë për nënprodukte kryesisht për bitum, importon 600,000 ton naftë në vit për diesel dhe për benzinë dhe meqë ra fjala po ato janë sot më të shtrenjtat në rajon sepse sa herë duhet ta përsërisim akoma që në çmimin e naftës që ju blini benzinatë është dhe taksa e qarkullimit, të cilën në rajon e paguajnë veçmas siç është brenda dhe një taksë karboni”.

Fjalën e plotë të kryeministrit Rama e gjeni Këtu.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0