Ky format moderohet nga Bora Zemani dhe stilisti i mirënjohur Ardi Asllani është mentor i stilistëve të rinj. Përballë jurisë të përbërë nga artistja Jonida Maliqi, stilisti Joni Peci, Bora Zemani dhe një i ftuar special në çdo natë, 10 konkurrentët do të prezantojnë krijimet e tyre të realizuara nën ndikimin e rregullave të forta me temë,buxhet dhe kohë të paracaktuar.
Lexo: Produksionet shqiptare që duhet të ndjekësh në YouTube
Në javën e 9-të do të zgjidhen 3 finalistë, të cilët në spektaklin e fundit , (java e 10-të) që do të jetë një nga eventet më të rëndësishëm të modës shqiptare, do të paraqesin 3 koleksione me nga 10 krijime secili. Fituesi i ADC do të fitojë një atelie të kompletuar për të filluar rrugëtimin e tij në biznesin e modës, një udhëtim në javën e modës në Milano, ku do të ketë mundësine të vizitojë nga afër dhe markën Nenette, si dhe do të fitojë kopertinën e revistës “Living” me një nga krijimet e tij. ADC Show do të transmetohet premierë çdo të premte në orën 21.00 në Living HD.
Gjatë 5 ditëve të para të javës, çdo pasdite në 18.30 do transmetohet emisioni “Ne Atelie”, një përmbledhje e ngjarjeve të çdo dite gjatë proceseve të punës krijuese të stilistëve në atelie. Çdo pasdite publiku ka mundësi të njihet nga afër me stilistet, karakterin, talentin dhe vështirësitë e tyre gjatë realizimit të çdo sfide. Jo vetem Prêt à Porter por edhe Haute Couture do të sfilojë në pasarelen e ADC. Për herë të parë në vendin tonë, në një pasarele mode do të sfilojë talenti, guximi, imagjinata dhe këndveshtrimi më i ri i modës shqiptare. Ky format do të transmetohet edhe në kanalet Tring International dhe Tring Shqip.
https://www.youtube.com/watch?v=_obTiYuc9i0
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
