Irlanda me rritjen e vetme ekonomike në BE për 2020 - Business Magazine Albania

Irlanda me rritjen e vetme ekonomike në BE për 2020

Ekonomia e Irlandës ishte e vetmja që u rrit në BE vitin e kaluar, tregojnë shifrat ekonomike. Kjo erdhi nga rritja e eksporteve mjekësore dhe farmaceutike.

Shifrat e Komisionit Europian, tregojnë se pritet që GDP Irlandeze të rritet me 3.4 përqind në 2021 dhe pak më shpejt në 2022 me 3.5 përqind. Ekonomia e zonës së euros në tërësi do të rritet 3.8 përqind këtë vit dhe me të njëjtin ritëm vitin e ardhshëm.

Ekonomia e Irlandës u rrit me 3 përqind vitin e kaluar pavarësisht ndikimit të pandemisë Covid-19. Kjo është në kontrast të fortë me tkurrjen mesatare në të gjithë BE-në, me një rënie prej 6.8 përqind dhe rënies së theksuar 11 përqind në Spanjë dhe 10 përqind në Greqi.

Të gjitha vendet anëtare të BE parashikohet të kthehen në rritjen ekonomike këtë vit, veçanërisht në gjysmën e dytë të 2021, por ekzistojnë rreziqe të forta dhe pasiguri në varësi të suksesit të fushatave të vaksinimit të Covid-19.

“Ne mbetemi në kthetrat e dhimbshme të pandemisë, pasojat e saj sociale dhe ekonomike janë shumë të dukshme”, tha komisioneri i ekonomisë Paolo Gentiloni. “Megjithatë, më në fund, ka dritë në fund të tunelit. Deri sa kemi rritje të të vaksinuarve gjatë muajve të ardhshëm, një lehtësim i masave të kontrollit duhet të lejojë një rikthim forcues gjatë pranverës dhe verës.

“Ky parashikim është subjekt i rreziqeve të shumta që lidhen, për shembull, me variante të reja të Covid-19 dhe me situatën globale epidemiologjike”.

Vendet që patën ndikimin më pak negativ në PBB pas Irlandës në vitin 2020 ishin Lituania (-0,9 përqind), Polonia (-2,8 përqind) dhe Estonia dhe Suedia (të dyja – 2,9 përqind).

Ekonomia e Irlandës u mbështet veçanërisht nga “eksportet nga kompanitë multinacionale të specializuara në pajisje mjekësore, farmaceutike dhe shërbime kompjuterike”, sipas Komisionit Evropian.Marrur nga:

Irishtimes

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0