Prej muajsh po flitet që Apple po punon për një iPhone të palosshëm.
Ming-Chi Kuo, konsulent në fushën e teknologjisë ka dhënë disa detaje mbi zinxhirin e furnizimit të Apple për këtë projekt. Sipas tij iPhone pritet të dalë në vitin 2023.
Rezolucioni QHD +
Sipas Kuo, iPhone i palosshëm do të ketë një OLED 8 inç me rezolucion QHD + 3200 x 1800 piksel.
Teknologjia ‘Nanowire’
Falë teknologjisë ‘Nanowire’, ekrani 8 inç duhet të jetë në gjendje të ofrojë kontrolle veçanërisht precize.
Lexo: Bill Gates njofton divorcin nga bashkëshortja Melinda pas 27 vitesh
Apple tashmë ka testuar teknologjinë në HomePod të saj. Teknologjia “Nanowire” thuhet gjithashtu se ofron avantazhe kur ekranet kanë më shumë se vetëm një fishim.
20 milionë kopje në vitin e parë
“iPhone i palosshëm do të jetë një hit”, thotë Ming-Chi Kuo.
Ai parashikon që për disa vite të gjitha markat kryesore të telefonave inteligjentë do të ofrojnë pajisje të palosshme. iPhone i palosshëm pritet të shitet 15 -20 milionë njësi vetëm në vitin 2023.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
