Raportet e fundit sugjerojnë se Apple mund të lançojë një iPhone të palosshëm brenda vitit të ardhshëm dhe fjala është se çmimi i tij mund të kalojë lehtësisht 2,000 dollarë.
Edhe pse ende nuk ka asgjë të konfirmuar, analistët parashikojnë se telefoni i parë i palosshëm i kompanisë mund të fillojë me një çmim prej 2,299 dollarësh, duke e bërë atë modelin më të shtrenjtë të Apple deri më sot, sipas Mac Rumors. Aktualisht, iPhone 16 Pro Max mban rekordin si telefoni më i madh dhe më i shtrenjtë i Apple, me një çmim fillestar prej 1,199 dollarësh. Këto lajme vijnë pas një vizite të fundit në Azi nga analisti i bankës britanike Barclays, Tim Long, dhe ekipi i tij, ku u takuan me prodhuesit e pajisjeve hardware. Long i tha Mac Rumors se për shkak të çmimit tepër të lartë, ai mendon se shitjet do të jenë të kufizuara. Por ai nuk është i vetmi ekspert që parashikon një çmim marramendës për këtë pajisje. Analisti i zinxhirit të furnizimit të Apple, Ming-Chi Kuo, ka dhënë një vlerësim edhe më të lartë – rreth 2,500 dollarë. Megjithatë, ndryshe nga Long, Kuo beson se konsumatorët do të vrapojnë për ta blerë këtë pajisje revolucionare sapo të dalë në treg, pasi do të jetë e para e këtij lloji për përdoruesit e Apple. Këto parashikime bazohen në çmimin që Samsung kërkon për Galaxy Z Fold6, i cili kushton 1,899 dollarë.
Lexo edhe:iPhone-i i parë me ekran të palosshëm nga Apple mund të lançohet deri në 2026 dhe do kushtojë rreth $2,500
Sa i përket dizajnit të mundshëm të këtij iPhone-i të palosshëm, pritet të jetë jashtëzakonisht i hollë – rreth 4.5 mm kur është i hapur dhe midis 9 mm dhe 9.5 mm kur është i palosur, sipas Kuo. Gjithashtu, thuhet se do të ketë një kamerë të përparme, dy kamera të pasme dhe një buton me Touch ID në vend të Face ID. Apple ka qenë në qendër të vëmendjes kohët e fundit – ndërkohë që po qarkullojnë këto thashetheme për iPhone-in e palosshëm, janë shfaqur edhe foto të rrjedhura që tregojnë se si mund të duket iPhone 17. Ndërsa ky model i ri pritet të dalë më vonë këtë vit, fansat e Apple kanë pasur mundësinë të shohin dizajnin e mundshëm të kamerës së iPhone 17, falë fotove të rrjedhura në X të modeleve “dummy” metalike. Çdo model provë kishte një dizajn të ndryshëm të kamerës – njëri ishte vertikal me dy lente, ndërsa tre të tjerët kishin shirita drejtkëndorë, me një ose tre lente.
Mockup-et gjithashtu sugjeruan se një nga modelet e iPhone 17 mund të jetë jashtëzakonisht i hollë – i cili mund të jetë i shumëpërfoluri iPhone Air. Deri në momentin kur iPhone-i i palosshëm të bëhet realitet, koleksioni iPhone 17 mund të përmbajë një nga modelet më të shtrenjta, sipas Tech Radar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
