Telefoni më i ri nga Apple duket se është duke kryer edhe një funksion të pazakontë të mbledhjes së të dhënave, megjithëse nuk duhej ta bënte këtë.
Hulumtuesi i sigurisë, Brian Krebs, ka gjetur se iPhone 11 Pro, po mbledh të dhëna “misterioze” edhe kur opsioni i lokacionit është i ndaluar dhe nuk është në funksion.
Në gjetjet e tij, shihet se si një ikonë në formën e një shigjete të vogël, shfaqet për të treguar vendndodhjen e përdoruesit të telefonit.
Kjo nuk është parë te iPhone-ët e mëparshëm, apo te të rinjtë që përdorin sistemin iOS 13.
Lidhur me këtë, Krebs ka kontaktuar me zyrtarë të Apple, të cilët kanë thënë se do të hetojnë shkaktarët, por nuk kanë kthyer përgjigje që nga shtatori.
Megjithatë, është thënë se iPhone 11 Pro nuk po mbledh të dhëna dhe nuk po bën asgjë gabim, vetëm se po e tregon atë shenjë gjatë përdorimit.
Lexoni gjithashtu:
Bëjeni iPhone-in tuaj të vjetër të duket si iPhone 11 Pro me këtë sticker të ri
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
