Këtë javë, Startup Yard ka sjellë diçka ndryshe: një podcast me Mërgim Cahanin, themelues dhe CEO i Gjirafa.com, pjesë e StartupYard në vitin 2014.
Mërgim Cahani e themeloi Gjirafa në vitin 2013 dhe u bashkua me StartupYard në vitin 2014, ku ai paraqiti planet e tij për ta bërë kompaninë e vogël të kërkimit, një ofrues kyç për shërbimet bazë të internetit në Kosovë / Shqipëri, anembanë Ballkanit dhe më gjerë për të gjithë shqipfolësit. Mërgim Cahani flet për udhëtimin e tij që nga hyrja në StartupYard në vitin 2014 deri në StartupYard DemoDay 2016.
Mërgimi tregon gjatë intervistës se ai beson fuqimisht se, ai nuk do të ishte në pozicionin që është në ditët e sotme, nëse nuk do të kishte marrë pjesë në StartupYard 3 vite më parë. Ndërsa ai ende nuk e quan Gjirafa një sukses, rritja që kompania ka përjetuar, nuk mund të arrihet pa sigurimin e rrjetit StartupYard ose kontributin e vazhdueshëm të ekipit StartupYard, mentorëve dhe aksionerëve.
Në fund të intervistës, ai rekomandon çdokënd që beson fuqimisht në idenë e tyre që të mos hezitojnë dhe të aplikojnë për StartupYard.
Tani mund të aplikoni për StartupYard Batch # 8 në këtë LINK
Ata do të zgjedhin deri në 10 startup-e për një program 3 mujor përshpejtimi, i cili fokusohet në sjelljen e produkteve dhe zgjidhjeve të bazuara në teknologjitë “e thella” në treg. Ata janë duke kërkuar për startup-e ose ekipe që punojnë për tematika të tilla si në vijim:
• Robotë
• Inteligjenca Artificiale (AI)
• Realiteti Virtual/Realiteti i shtuar (VR/AR)
• IoT (Internet of things)
• Kriptografia (arti i shkrimit ose zgjidhjes së kodeve)
Aplikimet janë të hapura deri në datën 30 Qershor 2017
Programi fillon në datën 4 Shtator 2017
Programi përfundon në datën 1 Dhjetor 2017
Burimi: startupyard.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
