Interneti u dashurua me logon e tyre! Rezultati ishte një mësim i mirë mbi atë që duhet të dini për markën - Business Magazine Albania

Interneti u dashurua me logon e tyre! Rezultati ishte një mësim i mirë mbi atë që duhet të dini për markën

~3 minuta lexim

Kur Erica Blumenthal dhe Nikki Huganir nisën kompaninë e tyre, Yes Way Rosé, në vitin 2013, ato nuk kishin një produkt, madje as ndonjë përvojë në industrinë e ushqimit ose pijeve. Ato kishin vetëm idenë e markës që do të krijonin, produkte që shpresonin të lançonin dhe ëndrrën për të nxjerrë linjën e tyre të verërave roze franceze në Shtetet e Bashkuara.

Qëllimisht e nisën ngadalë në fillm. Ato krijuan një logo dhe e postuan në Instagram. Mori disa pëlqime dhe lavdërime nga miqtë. Pastaj duket se logoja u bë virale. “Ne e shihnim logon të ri-postohej nga njerëz të tjerë. Nuk na u dhanë kreditet apo pronësia,” thotë Blumenthal. “Ishte si diçka në internet që dukej si pronë e internetit, jo pronë e këtyre sipërmarrëseve që po krijonin një markë.”

Do të kalonte një vit para se të debutonin produktin e tyre të parë, një çantë e thjeshtë me logon e kompanisë në të dhe pesë vjet para se të debutonte vera e tyre e parë. Themelueset e dinin se duhej të mbronin logon që do të ishte në çdo produkt të ardhshëm.

Një mik avokat i ndihmoi të merrnin hapin e parë: punësimin e një avokati të pronësisë intelektuale dhe markës tregtare dhe paraqitjen e një marke tregtare për përdorimin e frazës “Yes Way Rosé” në produkte duke përfshirë bluza, peshqirë plazhi, kuti telefoni dhe, natyrisht, verë.

Që nga ajo kohë ato e kanë mbajtur avokatin, për të cilin Blumenthal thotë se është një nga shpenzimet më të rëndësishme, por më të vlefshme të kompanisë: “Ju duhet të mbroni pronën tuaj intelektuale me çdo kusht.”

Lexo edhe: Apple i kërkon aplikacionit me receta gatimi të heqë dardhën nga ‘logo’

Mbrotjta e markës ka vazhduar të jetë një prioritet, veçanërisht pasi mallrat e kompanisë u lançuan në dyqanet Target në të gjithë SHBA-në. Kur një produkt përdor logon e tyre, ato dërgojnë një letër standarde të ndërprerjes dhe ndalimit. Nëse është nga një dyqan i vogël Etsy ose duket si një gabim i pafajshëm, ato dërgojnë një letër më pak formale, një strategji që gjithashtu ka qenë efektive.

Një gjë që nuk e mban më Blumenthal zgjuar gjatë natës janë faqet e memeve. “Patjetër që jam e fiksuar pas tyre për një kohë të gjatë, por ne jemi mësuar ta përqafojmë, si markë”, thotë ajo. “Ju mësoni të zgjidhni betejat tuaja.”

Këshilla e saj për sipërmarrësit me një logo produkti: “Mendoni për markën tuaj tregtare herët, ndërsa jeni në fazat e zhvillimit, përpara se të vendosni produktin tuaj në dyqane ose të vendosni  të bëni shitje direkt te konsumatori,” thotë ajo. “Dhe patjetër përpara se ta ndani me internetin.”

Inc.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0