Inteligjenca artificiale ka sjellë përmirësime të jashtëzakonshme në jetën moderne, por ndërkohë ka ndezur edhe frikën për ndikimin e saj afatgjatë në tregun e punës. Sipas “AI Disruption Report 2025” të publikuar nga Resume Now, 89% e punonjësve amerikanë shprehin shqetësim për sigurinë e vendit të tyre të punës, ndërsa 43% njohin dikë që ka humbur punën për shkak të AI.
Një treg pune me dy nivele?
Ndikimi i AI nuk është uniform në të gjitha industritë, por tendenca është e qartë ata që nuk përshtasin aftësitë e tyre do të mbeten pas. 47% e të anketuarve kanë frikë nga krijimi i një hendeku mes punonjësve që përshtaten me AI dhe atyre që nuk mund ta bëjnë këtë. Ndërkohë, 37% dyshojnë se programet e riformimit profesional do të jenë efektive për të mbyllur këtë hendek.
Sektori më i rrezikuar, punonjësit me paga të ulëta
Sipas një raporti të McKinsey (2023), punonjësit me paga të ulëta janë 14 herë më të rrezikuar për të ndryshuar profesion sesa ata me paga të larta, për shkak të automatizimit të detyrave të tyre. Sidomos në sektorët e shërbimit ushqimor dhe mbështetjes ndaj klientit, AI pritet të sjellë humbje masive të vendeve të punës, duke krijuar një panoramë të zymtë për këtë grup.
Aftësitë e reja, çelësi i mbijetesës
Megjithëse AI po redukton vende pune, ajo gjithashtu po krijon role të reja të specializuara. Forumi Ekonomik Botëror parashikon një rritje neto prej 78 milionë vendesh pune deri në vitin 2030, por shumica do të kërkojnë aftësi të avancuara në mbikëqyrje dhe teknologji. 42% e punonjësve tashmë janë regjistruar në kurse të AI, ndërsa 55% po mësojnë në mënyrë të pavarur për të fituar avantazhet konkurruese.
Punët e së ardhmes, kush përshtatet, fiton
AI nuk është më një opsion, por një domosdoshmëri. 41% e kompanive tashmë presin të reduktojnë fuqinë punëtore për shkak të automatizimit, ndërsa 66% synojnë të punësojnë talente me aftësi specifike në AI. Ekspertët paralajmërojnë se ata që e pranojnë dhe e shfrytëzojnë AI do të kenë avantazhin e së ardhmes, ndërsa refuzimi për t’u përshtatur mund të çojë në një krizë profesionale.
Tregu i punës po transformohet me shpejtësi, sfida kryesore për të gjithë punonjësit është të gjejnë vendin e tyre në këtë realitet të ri.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
