Në qetësi të plotë, Instagram i shtoi një opsion aplikacionit të vet. Në formë testi, tek disa përdorues, tashmë është i disponueshëm edhe opsioni i pagesave nga brenda aplikacionit.
Kjo, i jep mundësinë përdoruesve që të vendsoin aty kartat e tyre të kreditit apo debitit dhe një kod PIN për siguri. Pas kësaj, përdoruesit mund t’a përdorin kartën ashtu siç bëjnë në të gjitha aplikacionit e tjera. Kështu përdoruesit mund të kryejnë pagesën e palestrës, blejnë ulje në restorante, etj. E gjithë kjo, me ndihmën e një pale të tretë siç është aplikacioni Resy.
Instagram konfirmoi për The Verge se përdoruesit mund të kryejnë transaksionet me një numër të limituar biznesesh. Numri i llogarive të regjistuara si biznese në Instagram deri në fund të vitit 2017 ishte plot 25 milionë.
E gjithë kjo, vjen pas planeve të Marsit 2017, ku Instagram planifikon t’i lejojë përdoruesve të prenotojnë shërbime të ndryshme. E gjithë kjo u harrua pak në fakt, por tashmë duket se është realitet.
Në fakt, një nga problemet që prej kohësh shumë përdorues kanë patur, ka qenë fakti se ata nuk mund të blinin direkte nga platforma. Kështu, ata duhet të vizitonin një website tjetër, shpesh, edhe të panjohur. Ndoshta e ka një arsye përse bizneset e disponueshme janë të limituara. Ndonëse ndër vite, ka patur shumë raste arbitrare në situata të tilla.
Për bizneset në listën “e bardhë”, tashmë do të jetë më e lehtë të kryejnë shitje të ndryshme. Është provuar me kohë që ndërfaqja dhe procesi janë tepër të rëndësishëm për tërheqjen e blerësve…veçanërisht ata që janë pak të pa sigurtë me veten.
Burimi: The Verge
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
