Sipërmarrësit e dinë që kontrollet kundër informalitetit u shtuan që në muajin dhjetor. Por nga ky muaj, tatimorët do të jenë të pajisur me kamera. Drejtoria e Përgjithshme e Tatimeve ka bërë të ditur që nga 11 janari, inspektorët tatimorë të verifikimit në terren do të jenë të pajisur me kamera regjistruese, për regjistrimin e veprimeve të kryera gjatë verifikimeve në terren.
Sipas tatimeve, kjo nismë synon të:
-garantojë përmbushjen e detyrave funksionale të punonjësve të administatës tatimore gjatë ushtrimit të detyrës;
-të garantojë përmirësimin e sjelljes dhe komunikimit të administratës tatimore me tatimpaguesit duke shmangur kështu rastet abuzive dhe/ose korruptive;
-të rrisë transparencën dhe zbatimin korrekt, konform të legjislacionit tatimor ne fuqi.
-garantimin e përpunimit të të dhënave të regjistruara vetëm në funksion të qëllimit për të cilin është kryer regjistrimi duke mos i keqpërdorur këto të dhëna.
Lexo: Tatimet bëjnë thirrje për vetëdeklarim të llogarive financiare
Testimi i këtyre kamerave regjistruese do të nisë ditën e hënë më datë 11.01.2021 në qarkun e Tiranës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English