Karriera e saj në muzikë po rritet përkrah moshës së saj. Inisi për herë të parë mori pjesë në spektaklin “Gjeniu i vogël 5”. Në spektaklin ku hodhi hapat e parë drejt skenës, Inisi fitoi çmimin e parë.
Pas triumfit të Gjeniut të vogël 5, ajo këndoi si e ftuar në Festivalin e 54 të Këngës në RTSH, në TvKLAN gjatë speklakleve të ndryshme të këtij televizioni.
Vitin e kaluar, Inisi performoi në Festivalin e 56-të të këngës me “Piedestal”, ku fitoi vendin e 3-të. Kjo këngë i solli suksesin në Rumani.
“Ftesa që ui afrua Inisit nga produksioni i Cerbul De Aur ishte një gëzim dhe emocion”, thotë Yla, mamaja e saj. “Nuk e njihnim këtë festival më parë. Tepër madhështor, me një staf gati-gati familjar, me një përgjegjësi të habitshme për artistët e tyre dhe një respekt të jashtëzakonshëm. Duke falenderuar stafin drejtues ajo vlerëson faktin që Inisi mori pjesë në atë festival prestigjioz dhe u njoh me njerëz të mrekullueshëm.
Inisi jeton në Tiranë dhe këtë vit do vazhdojë klasën e 11-të në kolegjin “The Indipendent”. Në objektivat dhe dëshirat e saj, është pjesmarrja tek Kënga Magjike, spektakël që Inisi e ka shumë për zemër.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
