“Inflacioni po shkatërron kursimet tona”. Gjermanët fajësojnë shefen e BQE për çmimet më të larta në 30 vite - Business Magazine Albania

“Inflacioni po shkatërron kursimet tona”. Gjermanët fajësojnë shefen e BQE për çmimet më të larta në 30 vite

Inflacioni në Gjermani po rritet me shpejtësinë më të madhe në tre dekada. Nga energjia, te ushqimet, tek çmimet e shtëpive të gjitha po përjetojnë një ritëm rritjeje pa mëshirë në Gjermani dhe Europë. Të dhënat e fundit tregojnë inflacioni po kalon nivelin 5% në ndryshimin vjetor, një normë që nuk shihej për 30 vite.

Bild, gazeta më e madhe gjermane, fajëson Bankën Qendrore Evropiane se ka dështuar të amortizojë nivelin e çmimeve dhe madje është bërë pjesë e problemit me politikën e lëshuar monetare që ka ndjekur. BQE ka argumentuar se normat e ulëta të interesit dhe paketa e emergjencës prej 1.85 trilion eurosh ishin të nevojshme për të rimëkëmbur një ekonomi të shkatërruar nga pandemia.

Në Gjermani, gjithsesi, kursimtarët besojnë se politika e BQE për t’i lënë normat e interesit në 0% po gërryen të gjithë vlerën e aseteve të tyre. Bild e ka shigjetuar shefen e BQE, Chrsitine Lagarde, si “Zonja Inflacion”, duke shprehur ndër rreshta se ajo vishet me rroba Channel, por tallet me fatin e pensionistëve, punonjësve dhe kursimtarëve, edhe pse kjo e fundit ka shprehur shqetësimin e saj për rritjen e çmimeve të produkteve të shportës. Pas krizave shkatërrimtare nga inflacioni në 1920-ën dhe 1970-ën, gjermanët kanë një frikë të trashëguar prej tij, shprehet ekonomisti Carsten Brzeski.

Shprehjet e Lagarde se inflacioni do të jetë kalimtar janë pritur me mosbesim në vendet më të populluara të Europës. Bankierët gjermane gjithashtu e shohin me skepticizëm këtë fakt. Ata bëjnë thirrje që politikat monetare duhet të shtrëngohen sa më shpejt të jetë e mundur.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0