Inflacioni në muajin prill arriti normat më të larta të 20 viteve të fundit, në 6.2%. Kriza e çmimeve në tregjet botërore ka prekur tregun, i cili importon rreht dy herë më shumë se vlera e eksportit.
Shtrenjtimi, në veçanti i produkteve ushqimore dhe karburanteve bëri që inflacioni të arrijë në 6.2%.
Ndikimin më të fortë në inflacion e dha transporti, me një rritje prej 22.5% dhe mallrat e shportës, por shtrenjtimi preku gjithçka.
Grupi i produkteve me peshë më të lartë në buxhetin e familjeve shqiptare, ai i ushqimit, u rrit 10%. Rritjen më të madhe e ka shënuar ccmimi i vajit, i cili ka arritur në gati 400 lekë/litër në pikat e shitjes me pakicë.
Me shpejtësi gjatë Prillit janë shtrenjtuar edhe çmimet për qiratë e shtëpive, energjinë e ujin, ndërsa edhe për veshjet qytetarët kanë paguar më shumë para për blerjen e tyre.
Lexo: Banka Botërore parashikon: Lufta do të ngadalësojë ekonomitë e Ballkanit Perëndimor
Inflacioni prej 6% është 2 herë më i lartë se objektivi i Bankës së Shqipërisë prej 3%. Institucionet ndërkombëtare dhe ato vendase kanë theksuar se çmimet e larta do të rriten edhe gjatë vitit në vijim.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
