Industria minerare kërkon uljen e çmimit të rentës minerare

Industria minerare kërkon uljen e çmimit të rentës minerare


Përfaqësues të subjekteve minerare në Bulqizë, i kanë kërkuar ministrit të Financave Shkëlqim Cani, të rishikojnë masën e çmimit të referencës dhe të rentës minerare, pasi sipas tyre, çmimi i mineralit të kromit ka rënë ndjeshëm në treg, e për pasojë shpenzimet janë shumë më të mëdha se fitimet.

Për të mos shkuar deri në pikën e uljes së fuqisë punëtore, që do të ndikonte negativisht në jetën e qytetarëve të Bulqizës, ata i kërkuan ministrit Cani që të rishikojë vlerën prej 6% të çmimit të referencës dhe rritjen e rentës minerare në shitjet e brendshme.

“Që në nëntor të 2012-ës janë vendosur disa çmime reference dhe mbi këto çmime reference ne penalizohemi në lidhje me rentën minerare. Sot çmimi është përtokë. Të paguash 6% të një çmimi të referencës, që është shumë i lartë, absolutisht që kjo duhet parë patjetër. 6% është i mineralit të thatë, jo mineralit të lagur. E gjithë bota operon me mineral të thatë, jo me mineral të lagur. Na ka rritur prap rentën në shitjet e brendshme, jo pak por në mënyrë të konsiderueshme. Në 6% nuk ka futur vetëm vlerën e tatueshme, por 6% e vlerës totale të faturës me gjithë TVSH.”- deklaroi Eduart Keta, biznesmen kromi.

“Këto do ishin dy pikat kryesore që ne do na kishin ndihmu.”- u shpreh Edmond Isaku, biznesmen kromi.

Ministri i Financave, Shkëlqim Cani tha se bashkë me ministrin e Energjisë dhe Industrisë, Damian Gjiknuri kanë nisur takimet për të rishikuar detyrimet e industrisë së kromit, si dhe gjatë javës në vijim do të dalin me një vendim të përbashkët për ta lehtësuar sadopak këtë industri, në mënyrë që të mos ketë shkurtime të punëtorëve.

Por, sipas ministrit Cani, kjo lehtësi nuk do të jetë as shumë favorizuese për industrinë, e as shumë e lartë, pasi edhe vetë buxheti varet nga këto të ardhura.

“Ne do të përpiqemi që të gjejmë një zgjidhje që t’i vijmë në ndihmë edhe industrisë, kuptohet që problemi do të pasohet dhe në qeveri dhe shpejt do duhet të marrë edhe ajo vendimet përkatëse. gjithnjë flasim në mbështetje të mbajtjes në punë të punëtorëve, që të mos krijojmë probleme në familjet shqiptare.”- u shpreh ministri Shkëlqim Cani.

/Balkanweb/

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0