Është një mrekulli e vogël. Pikërisht nga ato që ndodhin kur në rrezik është jeta e shumë njerëzve. Në spitalian e Breshias, Itali, po luftohet ndaj koronavirus dhe jetët varen nga funksioni i makinave të terapisë intensive, të cilat nuk janë shumë. Kur ka lindur shqetësimi se nuk ka më valvula që vënë në funksion makineritë, të cilat u mundësojnë pacientëve reanimimin përmes marrjes së oksigjenit, mjekët njoftuan kompaninë prodhuese por furnitori komunikon se mund të mos i realizojë në kohë. Ndërsa studiohen të gjitha opsionet, një ide ishte ajo e printimit 3D.
Printimi 3D mund të luajë një rol të rëndësishëm në mbështetjen dhe furnizimin, sidomos në këtë periudhë kur importi dhe prodhimi tradicional janë të kufizuar. Kjo u testua në spitalin e Breshias. Mënyra e vetme për të shpëtuar jetë në këtë pike, përtej parandalimit, është pasja e sa më shumë makinerish reanimimi. Kur ato nuk funksionojnë, printimi 3D mund të na hyjë në punë.
Massimo Tomporelli, themeluesi i FabLab në Milano, mbështetës i industrisë 4.0 dhe printimit 3D në Itali, raportoi se u kontaktua nga redaktorja Nunzia Vallini, nga Brescia, e cila shpjegoi që spitali në Brescia ka nevojë urgjente për valvula për pajisjen e trajtimit intensiv. Mungesa e valvulave mund të kishte qenë dramatike dhe shumë njerëz do humbisnin jetën. Kështu që ajo i kërkoi që t’i printonte me anë të teknologjisë 3D.
Pas disa përpjekjesh të shumta, një kompani në afërsi e quajtur Issinova iu përgjigj kësaj krize. Themeluesi dhe CEO, Cristian Fracassi, dergoi printerin 3D në spital dhe në vetëm disa orë e ridizenjoi dhe prodhoi pjesëzën që mungonte. Sistemi funksionoi dhe pajisja tëashmë është vënë në funksion.
Me rritjen e pashmangshme të virusit nëpër gjithë botën, dhe me këputjen e zinxhirëve të furnizimit global, printerët 3D mund të jenë një ndihmë jashtëzakonisht e madhe, dhe mund të shpëtojnë jetë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
