Pajisjeve celulare në Indi do t’u kërkohet të miratojnë USB Type-C si portin standard të karikimit për produktet elektronike deri në mars 2025, sipas një raporti nga Business Standard.
Kjo pason një legjislacion të ngjashëm të miratuar nga Bashkimi Evropian, i cili kërkon që telefonat inteligjentë të rinj dhe pajisjet e tjera portative të shitura brenda BE-së të përdorin karikimin USB-C deri më 28 dhjetor 2024, në një lëvizje që synon të luftojë mbetjet elektronike.
Qeveria indiane po eksploron gjithashtu mundësinë e zbatimit të një karikuesi të standardizuar për pajisjet që vishen si orët inteligjente dhe gjurmuesit e fitnesit. “Qeveria do të krijojë dy lloje të zakonshme të portave të karikimit për celularët dhe pajisjet elektronike të veshura”, tha Rohit Kumar Singh, Sekretar i Departamentit të Çështjeve të Konsumatorit.
Lexo edhe: Brazili gjobë dhe urdhër për Apple: Nuk do të shiten më Iphone pa karikues
India e kaloi SHBA-në për t’u bërë tregu i dytë më i madh në botë i smartfonëve në vitin 2019 dhe aktualisht vlerësohet se mbi 95 për qind e vendit përdor pajisje celulare me bazë Android. Ndërsa shumica e telefonave inteligjentë Android përdorin tashmë USB-C, iPhone-ët ende përdorin portën Apple Lightning, dhe Apple kohët e fundit ka parë rritje të konsiderueshme të shitjeve në rajonin ku tani prodhon iPhone 14. Apple më parë tha se është kundër përpjekjeve të BE-së për ta bërë kompaninë të miratojë standardin e karikimit USB-C, por që atëherë ka konfirmuar publikisht se do të jetë në përputhje me rregullat e reja./ The Verge
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
