Ikën Banka e Kreditit të Shqipërisë - Business Magazine Albania

Ikën Banka e Kreditit të Shqipërisë


Sektori bankar në vend vijon reformimin. Banka e Kreditit të Shqipërisë del nga tregu, ndërsa disa banka u shkrinë, u përthithën nga banka të tjera, ose ndërruan pronar përmes shitjes.

Këshilli Mbikëqyrës i Bankës së Shqipërisë ka vendosur të revokojë licencën e Bankës së Kreditit të Shqipërisë sh.a. Banka kishte filluar më parë procesin e likuidimit vullnetar.

Me daljen e saj nga tregu numri i bankave në vend ka zbritur në 12 duke u reduktuar me 4 banka në vetëm një vit.

Lëvizjet në tregun bankar erdhën pas një tërheqje të bankave në aktivitetin me klientin, si pasojë e efekteve të krizës financiare ndërkombëtare, ndërsa në vend pati një kulm të kreditimit të ekonomisë para kësaj krize. Rritja e kredive me probleme, për një përiudhë të gjatë në rreth 25% të totalit të kredisë, uli ndjeshëm aktivitetin e bankave vençanërisht në financimin e sektorit privat dhe individit.

Prej vitesh në shitje, NBG Bank ka realizuar tashmë shitjen ashtu si edhe Veneto bank që u përthith nga Intesa Bank. Marrëveshja e realizuar për shitjen e ICB është në proces të realizimit të këtij transaksioni duke u blerë nga Union Bank.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0