Të udhëtosh për punë ndërsa je një nënë me fëmijë në gji është një eksperiencë plot merak. Shumë aeroporte ende nuk kanë një vend të përcaktuar ku nënat mund ti japin gji fëmijëve të tyre. Ndoshta ato nuk të lejojnë as të marrësh me vete qumështin e gjirit. Dhe nëse udhëtimi juaj zgjat më shumë se disa orë, a mund ti japësh gji fëmijës në avion?
Shume femra thjesht nuk pranojnë të udhëtojnë derisa fëmija të rritet dhe të ketë filluar të ushqehet me ushqime të tjera përvec qumështit. Por IBM ka si qëllim që ta bëjë të gjithë këtë eksperiëncë më të lehtë.
Të hënën e shkuar, gjiganti tech njoftoi se do të transportojë me anije qumështin e gjirit të nënave nëpër shtëpitë e tyre ndërkohë që ato janë nëpër udhëtime pune. Do të ishte me interes të shihej nëse drejtues të tjerë biznesi do të ndiqnin shembullin e IBM-së.
Kompania nuk ishte e sigurtë se sa nga 370,000 punonjësit e saj do të përfitonin nga ky program por deklaroi se kjo nuk i interesonte shumë. “Përsa kohë është edhe një nënë e vetme që e gjen këtë program përfitues, nuk mund të them se sa do të përdoret ky program dhe nëse do ta vazhdojmë atë ose jo,” Barbara Brickmeier, zëvendës presidente e përfitimeve në IBM i tha The Huffington Post.
Kjo iniciativë i cliron nënët e reja, punonjëse të kompanisë, nga bezdia e kontrolleve nëpër aeroporte ku agjentët e Transportation Security Admistration (Administrata e Sigurimit të Transportit) njihen për konfiskimet e qumështit të gjirit nese i kalon 3.4 ounce, te transportuara ne nje valixhe dore.
Vetëm së fundmi, në sajë të programit “Obamacare” punonjeset amerikanë kanë kërkuar të kenë një hapësirë private dhe kohë ‘të arsyeshme” për të shtrydhur qumështin nga gjiri i tyre. Por politika e IBM shon përtej asaj që kërkohet. Padyshim kjo e bën më të lehtë për një nënë në karrierë të niset për një udhëtim pune.
Kjo është një nga iniciativat më të reja në vargun e politikave të mira të zbatuara për nënat e reja. IBM gjithashtu ofron 6 javë leje lindjeje të paguar për nënat e reja.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
